नाशिक | प्रतिनिधी | Nashik
भद्रकाली परिसरात (Bhadrakali Area) भद्रकालीचा राजा गणपतीजवळ एक मोठी घार (Kite Bird) जखमी अवस्थेत आढळली. नायलॉन मांजामुळे गंभीर जखमी झालेल्या या पक्ष्याला हालचाल करणे कठीण झाले होते. प्रसंग ओळखताच मंडळाचे अध्यक्ष यांनी तत्काळ अग्निशामक दलाच्या पथकाला घटनास्थळी पाचारण केले.
अग्निशामक दलाच्या (Fire Brigade) कर्मचाऱ्यांनी काळजीपूर्वक जखमी घारीची सुटका केली व तिला पुढील उपचारासाठी सुरक्षितस्थळी हलवले. नायलॉन मांजामुळे पक्षी, प्राणी आणि नागरिकांना होणाऱ्या धोक्याच्या पार्श्वभूमीवर हा प्रकार पुन्हा एकदा गंभीर वास्तव अधोरेखित करतो.
स्थानिक नागरिक व मंडळाकडून नायलॉन मांजावर (Nylon Manja) तातडीने आणि कडक कारवाई करण्याची मागणी करण्यात आली आहे. अशा घटनांना आळा घालण्यासाठी प्रशासनाने कठोर पावले उचलावीत, अशी सर्वसामान्यांची अपेक्षा आहे.
