मुंबई | Mumbai
राष्ट्रवादी काँग्रेसचे (अजित पवार) आमदार नवाब मलिक यांच्या जावयाचा भीषण अपघात झाला आहे. कार चालकाचा पाय चुकून एक्सलेटरवर पडल्यामुळे मलिक (Nawab Malik) यांचे जावई समीर खान (Sameer Khan) गाडीसोबत फरफटत गेले.
या अपघातात समीर खान यांच्या डोक्याला गंभीर दुखापत झाली आहे. त्यांच्यावर ‘आयसीयू’मध्ये उपचार सुरू आहेत. मुंबईच्या क्रिटीकेअर रुग्णालयातून रेग्यूलर चेकअप करून घरी परतत असताना अपघात झाल्याचे सांगण्यात येत आहे.
दरम्यान, यावेळी समीर खान यांच्या पत्नी आणि नवाब मलिक यांची मुलगी निलोफर (Nilofer) या देखील सोबत होत्या. त्यांच्या हाताला देखील दुखापत झाली आहे. याप्रकरणी पोलिसांनी कारचालकाला ताब्यात घेतलं असून त्याच्यावर गुन्हा दाखल केला आहे.
