खामखेडा । वार्ताहर Khamkheda
सटाणा-खामखेडा रस्त्यावर खामखेडा शिवारात आज बुधवारी सकाळी अकराच्या सुमारास भरधाव रिक्षा उलटून झालेल्या अपघातात 68 वर्षीय वृद्धा जखमी होवून जागीच ठार झाली तर चार प्रवासी जखमी झाले आहेत.
- Advertisement -
मालेगाववरून कळवणकडे भरधाव जाणारी रिक्षा क्र. एम.एच.-19-ए.एक्स-9784 खामखेडा चौफुलीलगत उलटली. यात रिक्षातील शांताबाई रामदास राऊत (68, सोयगाव, ता. मालेगाव) या वृध्दा रस्त्यावर आदळून जागीच गतप्राण झाल्या. तर सुनीता कैलास मोरे, भोला कैलास मोरे, गुंडू कैलास मोरे (सर्व रा. मालेगाव कॅम्प) तसेच वीर युवराज कुवर (रा. द्याने) हे गंभीर जखमी झाले.
अपघातातील जखमींना आरोग्य केंद्राच्या रूग्णवाहिकेतून उपचारासाठी कळवण उपजिल्हा रूग्णालयात दाखल केले गेले. रिक्षामधील सर्व प्रवासी मुलगी पाहण्याच्या कार्यक्रमासाठी जात असताना हा अपघात घडला.
