नाशिक । प्रतिनिधी Nashik
सेवानिवृत्त, स्वेच्छानिवृत्त व मयत वारसदार यांना प्रलंबित देय लाभ वेळेत देण्याच्या अनुषंगाने प्रकल्प अधिकारी, एकात्मिक आदिवासी विकास प्रकल्प नाशिक यांच्या कार्यालयात 31 जुलै रोजी दुपारी 3 वा. पेन्शन अदालतीचे आयोजन केले आहे. अशी माहिती प्रकल्प अधिकारी तथा सहाय्यक जिल्हाधिकारी एकात्मिक आदिवासी विकास प्रकल्प नाशिक जितीन रहमान दिली आहे.
- Advertisement -
त्या अनुषंगाने प्रकल्प अधिकारी, एकात्मिक आदिवासी विकास प्रकल्प नाशिक कार्यालयाच्या अधिनस्त कार्यालये, आश्रमशाळा व वसतिगृह यांच्या आस्थापनेवरील सेवानिवृत्त, स्वेच्छानिवृत्त व मयत वारसदार तसेच संबंधित मुख्याध्यापक व गृहपाल यांनी आवश्यक कागदपत्रांसह प्रकल्प कार्यालय, नाशिक येथे वेळेत उपस्थित राहण्याचे आवाहन प्रकल्प अधिकारी तथा सहाय्यक जिल्हाधिकारी रहमान यांनी केले आहे.