नाशिक | प्रतिनिधी Nashik
नाशिकचे पोलीस आयुक्त संदीप कर्णिक यांनी 5 मार्च रात्री 12 वाजे पासून 19 मार्च रात्री 12 वाजेपर्यंत 15 दिवसांकरिता आयुक्तालयाच्या हद्दीत जमावबंदी आदेश जारी केले आहेत.
या आदेशात असे नमूद केले आहे कि, विविध व वेगवेगळ्या प्रकरणावरून जनमानसात कायदा व सुव्यवस्थेचा प्रश्न निर्माण होण्याची शक्यता नाकारता येत नाही. आगामी नाशिक महानगर पालीका निवडणुकीचे अनुषंगाने विविध राजकिय पक्ष व नेत्यांच्या हालचाली सुरू झाल्या असुन त्यांच्या अंतर्गत बैठका घेण्यात येत आहेत.
यासोबतच (दि.13) होळी,(दि.14) धूलिवंदन ,(दि. 19) रंगपंचमी व (दि. 17) छत्रपती शिवाजी महाराज यांची तिथीप्रमाणे जयंती आहे. या अनुषंगाने घटनांचे पडसाद नाशिक शहरात उमटू नये तसेच कायदा व सुव्यवस्था राखण्याच्या दृष्टिकोणातून महाराष्ट पोलीस कायदा सन 1951 चे कलम 37 (1) (3) अन्वये प्रतिबंधक उपाय योजना करणे आवश्यक असल्याने आयुक्तालयाच्या हद्दीत 15 दिवसांकरिता जमावबंदी लागू करण्यात येत आहे.
