दिल्ली | Delhi
शाओमी Xiaomi कंपनीचा रेडमी Redmi या मालिकेतील रेडमी 9 प्राईम Redmi 9 Prime फोन उद्या भारतात लॉन्च होणार असल्याची माहिती भारतातील शाओमीचे व्यवस्थापकीय संचालक आणि जागतिक उपाध्यक्ष मनु कुमार जैन यांनी ट्विटरवरून दिली आहे.
मागच्या महिन्यात या फोनचे लॉन्चिंग चीनमध्ये झाले होते. रेडमी 9 Redmi 9 मालिकेतील या फोनमध्ये थोडे बदल करून नवीन आवृत्तीत उपलब्ध होणार आहे. या फोनची भारतात 10000 रुपये किंमत असण्याचा अंदाज आहे. 4 ऑगस्ट रोजी दुपारी 12 वाजता Amazon या ई कॉमर्स संकेतस्थळावर या फोनचे लॉन्चिंग होणार आहे.
या फोनची स्क्रीन 6.53 इंच पूर्ण एचडी प्लस डिस्प्ले दिला जाऊ शकतो. या फोनमध्ये वॉटरड्रॉप नॉच सुविधा असू शकते. याचे रिझोल्युशन 1080×2340 पिक्सलमध्ये येऊ शकते.
शाओमी कंपनीच्या विविध समाज माध्यमांच्या व्यासपीठावरून या फोनचे प्रक्षेपण होणार आहे. तसेच ई-स्टोर आणि दुकानांमध्येही लवकरच हा फोन विक्रीस उपलब्ध होणार आहे.
