शिर्डी |प्रतिनिधी| Shirdi
एका साईभक्ताने (Sai Devotee) आज साईबाबांना 648 ग्रॅम वजनाचा सुवर्ण मुकूट (Gold Crown) अर्पण केला आहे. या मुकूटाची किंमत तब्बल 43 लाख रूपये आहे. रविवारी सकाळी एका भाविकाने हा मुकूट साईचरणी अर्पण करण्यात आला. सकाळी साईसमाधी स्रानानंतर शिर्डी (Shirdi) माझे पंढरपुर (Pandharpur) या आरतीसाठी तो मुकूट साईसमाधीवरील बाबांच्या मुर्तीला चढवण्यात आला. या मुकूटाचे वजन 648 ग्रॅम असुन त्याची किंमत 42 लाख 80 हजार रूपये असल्याचे संस्थानचे सीईओ गोरक्ष गाडीलकर (CEO Goraksh Gadilkar) यांनी सांगितले.
साईबाबांना (Sai Baba) सुवर्ण मुकूट अर्पण करणार्‍या या भाविकाने आपले नाव गोपनीय ठेवले आहे. साई संस्थानच्यावतीने या भाविकाचा सत्कार करण्यात आला. हा मुकूट अतिशय सुंदर असून त्यावर आकर्षक नक्षीकाम करण्यात आलेले आहे. साईबाबांना सुवर्णदान (Gold Donation) करणार्‍या भाविकांच्या संख्येत दिवसेंदिवस वाढ होत आहे.
