श्रीरामपूर । प्रतिनिधी
काँग्रेसकडून उमेदवारी न मिळाल्याने नाराज झालेले विद्यमान आमदार लहू कानडेंनी अजित पवार यांच्या नेतृत्वाखालील राष्ट्रवादी काँग्रेसमध्ये प्रवेश केला आहे.
आमदार कानडे यांनी प्रदेशाध्यक्ष खा सुनिल तटकरे यांच्या उपस्थितीत हातात घड्याळ घेतले आहे. दरम्यान आमदार कानडे यांच्या राष्ट्रवादी प्रवेशाने शिवसेना शिंदे गटाची गोची झाली आहे.
श्रीरामपूर विधानसभा मतदारसंघ राखीव आहे. तिथं विद्यमान आमदार काँग्रेस (Congress) होता. आमदार लहू कानडे यांचे काँग्रेसने तिकीट कापले. त्यांच्याऐवजी युवा नेते हेमंत ओगले यांना तिकीट देण्यात आले.
तेव्हापासून आमदार लहू कानडे चांगलेच अॅक्शन मोडमध्ये आले. त्यांनी मुंबईत तळ ठोकून महायुतीकडे चाचपणी सुरू केली. या चाचपणीला स्थानिक संस्थानिक नेत्यांचे देखील बळ मिळत गेले. त्यामुळे आमदार कानडे महायुतीच्या गळाला लागले.
