मुंबई | Mumbai
बॉलिवूड अभिनेता अजय देवगण (Ajay Devgn) आणि दिग्दर्शक रोहित शेट्टी (Rohit Shetty) पुन्हा एकदा बॉक्स ऑफिसवर धमाका करण्यासाठी सज्ज आहेत. ‘सिंघम’ (Singham) या गाजलेल्या सिनेमाचा तिसरा भाग अर्थात ‘सिंघम अगेन’ (Singham Again) लवकरच प्रेक्षकांच्या भेटीला येणार आहे. नुकतीच या सिनेमाची रिलीज डेट जाहीर करण्यात आली आहे.
अजय देवगण पुन्हा एकदा ‘बाजीराव सिंघम’ बनणार आहे. अजय देवगण, रोहित शेट्टीचा ‘सिंघम 3’ लवकरच प्रेक्षकांच्या भेटीला येणार आहे. सिंघम ३ ची रिलीज डेट समोर आली आहे. रोहित शेट्टीचा हा अ‍ॅक्शन चित्रपट पुढील वर्षी प्रदर्शित होणार असल्याचे बोलले जात आहे.
“विचारधारा कोणतीही असो…”; अमोल कोल्हेंच्या ‘त्या’ पोस्टने सर्वांनाच टाकले बुचकळ्यात
चित्रपट समीक्षक तरण आदर्श यांनी ट्विट करत ‘सिंघम ३’ विषयी माहिती दिली आहे. रोहित शेट्टीचा ‘सिंघम ३’ हा चित्रपट स्वातंत्र्यदिनी प्रदर्शित होणार आहे. हा १५ ऑगस्ट २०२४ रोजी चित्रपटगृहांमध्ये दाखल होणार आहे. रोहितच्या सुपर यशस्वी फ्रँचायझी ‘सिंघम’चा हा तिसरा भाग आहे. या वर्षी ऑगस्टपासून चित्रपटाचे शूटिंग सुरू होणार आहे.
