मुंबई | Mumbai
एसटी कर्मचाऱ्यांच्या विविध मागणीसाठी गुणरत्न सदावर्ते (Gunratna Sadavarte) यांनी आजपासून दिलेल्या एसटी संपाच्या आवाहनाला (ST Workers Strike) फारसा प्रतिसाद मिळताना दिसत नसून आंदोलनावर भाष्य करताना सदावर्ते म्हणाले, आंदोलन सुरू करण्याआधी या सरकारने आम्हाला चर्चेसाठी बोलवलेय. त्यामुळे सरकारच्या भूमिकेनंतर आम्ही आमची भूमिका जाहीर करु असे सदावर्ते म्हणाले.
सातवा वेतन आयोग लागू करण्याच्या मागणीसाठी गुणरत्न सदावर्ते यांनी आज दिलेल्या एसटी बंदच्या आवाहनाला फारसा प्रतिसाद मिळताना दिसत नाहीये. या संपात मोठ्या प्रमाणावर कर्मचारी-कामगार सहभागी होणार असल्याचा दावा करण्यात आला होता मात्र हा दावाही फोल ठरताना दिसतोय. राज्यातील वर्धा विभागातील सकाळच्या सत्रात १०० टक्के वाहतूक सुरु आहे. कोल्हापुरातही सकाळच्या सत्रातील एसटी सुरु आहेत. माजलगाव आगारातही एसटी बसेस सुरु आहेत. त्यासोबतच ठाणे, पाटोदा, दिग्रस, हिंगोली आणि कळंब, नाशिक आगारातील एसटी बससेवा १०० टक्के सुरु आहे.
काय आहेत मागण्या
एसटी महामंडळाचे विलिनीकरण, सातवा वेतन आयोग, आदींसह विविध मागण्यांसाठी संप पुकारण्यात आला होता. एसटी महामंडळाच्या ताफ्यात ८५ टक्के नादुरुस्त बसेस धावत आहे. सातवा वेतन आयोग आणि इतर कर्मचाऱ्यांच्या मागण्यांसाठी संप पुकारण्यात आला आहे.
