नंदुरबार | प्रतिनिधी- NANDURBAR
कोविड-१९ मुळे उद्भवलेल्या संसर्गजन्य परिस्थितीचा विचार करता नंदुरबार जिल्ह्यात १ ते १५ एप्रिल २०२१ या कालावधीत जाहीर करण्यात आलेल्या संचारबंदी दरम्यान प्रवासासाठी पास मिळविण्याकरिता https://epassnandurbar.in संकेतस्थळावर ऑनलाईन अर्ज करावा लागणार आहे.
वैद्यकीय उपचार, जवळच्या नातेवाईकाचा अंत्यविधी, नोकरीच्या ठिकाणी हजर होणे किंवा इतर तातडीच्या कारणाकरिता प्रवास करतांना जिल्हा आपत्ती व्यवस्थापन कक्षाकडून प्रवास पास देण्यात येणार आहे. प्रवास पास मिळविण्यासाठी https://epassnandurbar.in
संकेतस्थळावर ऑनलाईन अर्जासोबत ओळखपत्र, आधार कार्ड, पॅनकार्ड, वैद्यकीय प्रमाणपत्र, कोविड चाचणी अहवाल (सर्व प्रवाशांचे प्रवासाच्या दिनांकाच्या पूर्वी ७२ तासाचा आरटीपीसीआर अहवाल नसल्यास सीमेवर रॅपीड अँटीजेन चाचणी करणे आवश्यक राहील
व आवश्यकतेनुसार इतर कागदपत्रे अपलोड करणे आवश्यक असेल, असे उपजिल्हाधिकारी तथा कोविड पास वितरण कक्षाचे शा.सं. मोरे यांनी कळविले आहे.
