धुळे । dhule। प्रतिनिधी
शिरपूर तालुक्यातील सावळदे येथील पुलावरून तापी नदीत उडी घेत युवकाने आत्महत्या केल्याची घटना घडली आहे. याबाबत तालुका पोलिसात नोंद झाली आहे.
- Advertisement -
दुर्गेश दीपक धनगर (वय 20रा. क्रांती नगर, शिरपूर) असे मयत युवकाचे नाव आहे. त्याने काल दि. 27 रोजी दुपारी अडीच ते तीन वाजेच्या सुमारास शिरपूरकडून धुळ्याकडे जाणार्‍या रस्त्याने सावळदे येथील पुलावरून तापी नदीत उडी घेतली. त्यात पाण्यात बुडून त्याचा मृत्यू झाला. ही बाब लक्षाच येताच तापी पात्रात शोध घेत सायंकाळी त्याचा मृतदेह बाहेर काढण्यात आला. पाहुणे वासुदेव धनगर यांनी त्याला शिरपूर उपजिल्हा रूग्णालयात दाखल केले असता डॉक्टरांनी तपासणी करीत मृत घोषित केले. याबाबत पोलिसात प्रथमदर्शी अकस्मात मृत्यूची नोंद करण्यात आली आहे.
