राज्य सरकारचा मोठा निर्णय : कोयना धरणाच्या जलाशयाचे ‘छत्रपती शिवाजी महाराज कोयना जलसागर’ असे नामकरण

मुंबई | प्रतिनिधी Mumbai

सातारा जिल्ह्यातील कोयना धरण जलाशयाचे नामकरण छत्रपती शिवाजी महाराज कोयना जलसागर असे करण्यात आले आहे. जलसंपदा विभागाने बुधवारी यासंदर्भातील शासन निर्णय जारी केला.

कोयना धरणाच्या जलाशयास ‘शिवाजी सागर’ जलाशय संबोधले जात आहे. मात्र, छत्रपती शिवाजी महाराजांचा एकेरी उल्लेख योग्य नसल्याने नावात बदल करून छत्रपती शिवाजी महाराजांचे पूर्ण नाव जलाशयाला द्यावे, अशी मागणी होत होती. त्यानुसार नामकरणाचा निर्णय घेण्यात आल्याचे जलसंपदा विभागाने आपल्या शासन निर्णयात नमूद केले आहे.