आश्वी |वार्ताहर| Ashwi
संगमनेर (Sangamner) तालुक्यातील आश्वी खुर्द येथील तरुण सकाळी गावातून घरी जात असताना नायलॉन मांजाचा (Nylon Manja) गळ्याला फास लागल्यामुळे जखमी (Injured) झाले. यामुळे नायलॉन मांजा विक्रेत्यांवर कडक कारवाई करण्याची मागणी नागरिकांतून होत आहे. याबाबतचे सविस्तर वृत्त असे, की संजय बबन कहार (वय 35) हे नित्याचे काम उरकून घरी जात असताना येथील आश्वी खुर्द येथील राजवाडा परिसरामध्ये काही मुले पतंग खेळत होते. अचानक पंतग (Kite) जमिनीवर येत असताना नायलॉन मांजाचा गळ्याला फास लागून ते जखमी झाले.
गावामध्ये त्यांच्यावर प्राथमिक उपचार करून घरी सोडण्यात आले. दरम्यान, नशीब बलवत्तर होते म्हणून मोठी दुर्घटना होण्यापासून कहार वाचले. महसूल व पोलीस प्रशासनाने पररिसरामध्ये जर कोणी नायलॉन मांजा विक्री करत असेल तर त्यांच्यावर तत्काळ कारवाई करावी, अशी मागणी प्रवरा कारखान्याचे माजी संचालक अ‍ॅड. अनिल भोसले यांनी केली.
