अहिल्यानगर |प्रतिनिधी| Ahilyanagar
सावेडी (Savedi) उपनगरातील प्रोफेसर कॉलनी चौकातील नियर विल्डींग सेंटरच्या पाचव्या मजल्यावरून पडून (Falling) चार वर्षीय बालिकेचा मृत्यू (Girl Death) झाला. शिवानी शिवाजी वाघमारे (रा. एमआयडीसी, अहिल्यानगर) असे मयत बालिकेचे नाव आहे. या प्रकरणी तोफखाना पोलीस ठाण्यात (Topkhana Police Station) आकस्मात मृत्यूची नोंद करण्यात आली आहे.
बुधवारी (16 ऑक्टोबर) सकाळी शिवानी वाघमारे ही प्रोफेसर कॉलनी चौकातील नियर विल्डींग सेंटरच्या पाचव्या मजल्यावरून खाली पडली. तिला उपचारासाठी येथील एका खासगी रूग्णालयात दाखल करण्यात आले होते. तेथील डॉक्टरांनी शिवानीची तपासणी केली असता तीचा मृत्यू (Death) झाला असल्याचे त्यांनी सांगितले. तशी माहिती डॉक्टरांनी तोफखाना पोलिसांना (Topkhana Police) दिली. पोलिसांनी आकस्मात मृत्यूची नोंद केली असून अधिक तपास पोलीस अंमलदार देविदास आव्हाड करत आहेत.
