ट्रकच्या धडकेत मोटरसायकलस्वार ठार

नवापूर । श. प्र. Navapur

राष्ट्रीय महामार्ग क्रमांक सहा नवापूर-धुळे रस्त्यावर सावरट गावाजवळ ट्रकच्या धडकेने मोटरसायकलस्वार ठार झाल्याची घटना घडली. याबाबत अधिक माहिती अशी की, दुपारी 3 वाजेदरम्यान सुरतकडून धुळ्याकडे जाणारी ट्रक (क्र.जी.जे.09 व्ही 8529) आणि मोटरसायकल (क्र.एम.एच.39 पी 546) यांच्यात जोरदार धडक झाली. सदर घटना नवापूर तालुक्यातील सावरट गावालगत घडली. मोटरसायकल चालक हा महेंद्र अमृतसिंग गावित जागीच ठार झाला आहे.

स्थानिक पोलिसाना माहिती मिळताच घटनास्थळी दाखल झाले. अपघात एवढा भीषण होता की मोटरसायकल चालक महेंद्र गावित याचा चेहरा पूर्ण टायरखाली दाबला गेल्याने चेहर्‍याचा अक्षरशः चुराडा झालेला दिसून आला. पोलिसांनी तत्काळ अंबुलन्स चालक लाजरस गावित यांच्या मदतीने जिल्हारुग्णालयात मृतदेह आणण्यात आला.