नाशिक | प्रतिनिधी | Nashik
व्हॉट्सअपवर लिंक (WhatsApp Link) पाठवून शेअर बाजारात गुंतवणूक (Investment) करण्यास प्रोत्साहित करीत भामट्यांनी शहरातील गुंतवणूकदारांना ५६ लाख रुपयांचा गंडा घातला आहे. याप्रकरणी सायबर पोलीस ठाण्यात आरोपींविरोधात माहिती तंत्रज्ञान कायद्यानुसार गुन्हा दाखल करण्यात आला आहे.
फसवणूक झालेल्या व्यक्तीने दिलेल्या फिर्यादीनुसार, त्याच्यासह इतर गुंतवणूकदारांना चोरट्यांनी २० मार्च ते ४ एप्रिल दरम्यान, गंडा घातला. गुंतवणूकदारांसोबत व्हॉट्सअपवरून संपर्क साधला. त्यांना ग्रुपमध्ये समाविष्ट करून गुंतवणूकीची माहिती दिली. त्यानंतर भामट्यांनी गुंतवणूकदारांना लिंक पाठवून शेअर मार्केटमध्ये गुंतवणूक करण्यास सांगितले. शेअर, आयपीओ खरेदी करण्याच्या बहाण्याने संशयितांनी गुंतवणूकदारांकडून ५६ लख रुपये घेतले. मात्र हे पैसे शेअर मार्केटमध्ये (Stock Market) न गुंतवता भामट्यांनी घेतले.
दरम्यान, फसवणूक झाल्याचे लक्षात आल्यानंतर गुंतवणूकदारांनी सायबर पोलिसांकडे (Cyber Police) तक्रार केली. त्यानुसार पोलिसांनी (Police) तपास करुन केलेल्या आर्थिक व्यवहारांचा तपास करीत ९ लाख ८१ हजार रुपयांची रक्कम गोठवली आहे. तसेच सायबर पोलिस ठाण्यात ज्यांनी गुंतवणूकदारांसोबत संपर्क साधून गंडवले त्यांच्यासह ज्यांच्या बँक खात्यात पैसे जमा झाले त्या खातेधारकांविरोधात गुन्हा दाखल झाला आहे.
