एनसीसीच्या विद्यार्थ्यांच्या अल्पोपहार भत्ता वाढला

अहमदनगर |प्रतिनिधी| Ahmednagar

राष्ट्रीय छात्र सेना योजनाअंतर्गत राष्ट्रीय छात्र सेनेच्या छात्रांच्या अल्पोपहार भत्त्याच्या दरात सरकारने वाढ केली आहे. प्रत्येक 40 मिनिटांच्या परेडसाठी सध्या 5 रुपये याप्रमाणे अल्पोपहार भत्ता दिला जातो. यात वाढ करून आता 15 रुपये करण्यात आला आहे. हे सुधारित दर 1 नोव्हेंबर 2021 पासून असतील.

या योजनेसाठी केंद्र आणि राज्य शासनामार्फत विविध भत्ते दिले जातात. महागाई असल्याने अल्पोपहार भत्त्यात वाढ करण्यात यावी, अशी मागणी होत होती. या अनुषंगाने अखेर राज्य सरकारने निर्णय घेतला आहे.