टॅक्सीचालकाचा मुलगा अंडर- १९ टीमचा कर्णधार

नवी दिल्ली | वृत्तसंस्था

दक्षिण आफ्रिकेत पुढच्या वर्षी होणाऱ्या अंडर १९ वर्ल्ड कपसाठी भारतीय संघाची सोमवारी घोषणा झाली. या संघाचे नेतृत्व उत्तर प्रदेशचे दोन खेळाडू करणार आहेत.

मेरठचा प्रियम गर्ग या संघाचा कर्णधार म्हणून निवडण्यात आला आहे. राज्यातल्या खेळाडूला थेट राष्ट्रीय टीमचा कर्णधार करण्याची ही पहिलीच वेळ आहे.

प्रियमची घरची परिस्थितीही बेताची आहे. वडील नरेश गर्ग टॅक्सी चालवायचे. पण त्यांनी मुलाला स्वप्न पाहण्यापासून आणि ते सत्यात उतरण्यापासून रोखले नाही.

प्रचंड जिद्द आणि मेहनतीच्या जोरावर प्रियमने राज्यातील स्पर्धा चांगल्याच गाजवल्या आहेत. प्रियममधील क्रिकेट खेळण्याचा उत्साह, त्याची मेहनत यामुळे प्रियम थेट देशाच्या टी२० संघाचे प्रतिनिधीत्व करणार आहे.