कारच्या धडकेत दुचाकीस्वाराचा मृत्यू

चांदवड | प्रतिनिधी Chandwad

मुंबई-आग्रा महामार्गावर मंगरुळ टोल नाक्याशेजारी कारने दुचाकीला जोरदार धडक दिली या अपघातात मालेगाव येथील शेख सुलतान शेख हुसेन (४२) यांचा मृत्यू झाला.

मुंबई-आग्रा महामार्गावर चांदवड ते नाशिक जाणार्‍या लेन वर तवेरा कार क्र. एम एच-१५-बी एस-३३५३ पुढे जात असलेल्या स्प्लेंडर दुचाकी क्र. एमएच-४१- झेड-७६४७ हिला पाठीमागून धडक दिली. ही धडक इतकी भयानक होती की कारने दुचाकी ५० ते ६० फूट लांब फरफटत नेली. या धडकेत दुचाकी चालक शेख सुलतान शेख हुसेन यांच्या डोक्याला व तोंडाला गंभीर दुखापत झाल्याने त्याचा मृत्यू झाला. त्यांचा भाऊ शेख इरफान शेख हुसेन यांनी चांदवड पोलीस ठाण्यात फिर्याद दिल्याने कारचालकविरुद्ध गुन्हा दाखल करण्यात आला आहे.