नाशिककरांना मोठा दिलासा; शनिवारची पाणीकपात रद्द

नाशिक | प्रतिनिधी Nashik

नाशिककरांसाठी दिलासादायक निर्णय घेत नाशिक महानगरपालिकेने दर शनिवारी करण्यात येणारी पाणीकपात रद्द केली आहे. आज झालेल्या महासभेत झालेल्या चर्चेनंतर महापौर हिमगौरी आडके आहेर यांनी शनिवारचा पाणीपुरवठा पूर्ववत सुरू ठेवण्याचे निर्देश दिले असून शनिवार (१८ जुलै)पासून शहरात नियमित पाणीपुरवठा होणार आहे.

सध्या धरण क्षेत्रात समाधानकारक पाऊस सुरू असून जलसाठ्यात वाढ होत असल्याच्या पार्श्वभूमीवर महासभेत या विषयावर चर्चा झाली. त्यानंतर महापौरांनी नागरिकांची गैरसोय टाळण्यासाठी शनिवारचा पाणीपुरवठा पुन्हा नियमित करण्याचे आदेश दिले. १८ जुलैपासून संपूर्ण नाशिक शहरात प्रत्येक शनिवारी पूर्वीप्रमाणे सुरळीत पाणीपुरवठा केला जाणार आहे.