नांदगाव । प्रतिनिधी Nandgaon
- Advertisement -
सूर्य आग ओकत असताना सायंकाळी अवकाळी पावसाने अक्षरशः झोडपून काढलं. बुधवारी सकाळपासूनच कधी ऊन तर कधी ढगाळ वातावरण होते. आज सकाळ पासून ढगाळ वातावरणानंतर सायंकाळी मेघगर्जनेसह अवकाळी पावसाने हजेरी लावली..
बुधवारी दुपारनंतर अचानक वातावरणात बदल होत काळे ढग दाटून आले आणि संध्याकाळी ५ वाजेच्या सुमारास अवकाळी पावसाला सुरुवात झाली. या अवकाळी पावसामुळे शहरातील तापमानात घट झाली असून वातावरणात गारवा निर्माण झाला आहे.
उष्णतेमुळे त्रस्त झालेल्या नागरिकांनी दिलासा मिळाला आहे.. काही दिवसांपासून चांगलाच उन्हाचा तडाका पाहायला मिळाला होता. तापमान 41 अंशाचा घरात गेले असताना आज अचानक सायंकाळी वातावरणात बदल होऊन पावसाला सुरुवात झाली. त्यामुळे पुन्हा एकदा गारवा जाणवत आहे.
