खंडाळा |वार्ताहर| Khandala
श्रीरामपूर तालुक्यातील खंडाळा-नांदूर दरम्यान झालेल्या कंटेनर व दुचाकीच्या अपघातामध्ये श्रीरामपूरचा तरुण ठार झाल्याची घटना घडली. आज शनिवारी सकाळी आठ वाजण्याच्या सुमारास श्रीरामपूरकडून संगमनेरकडे निघालेल्या ( एम.एच.14 एच.जी. 8314 ) या क्रमांकाच्या कंटेनरची बाभळेश्वरकडून श्रीरामपूरकडे येणार्या युनिकॉन (एम.एच.17 बी.टी. 4029 ) दुचाकीची धडक झाली.
यामध्ये मोटार सायकलवरील मनिष सुरेश गायकवाड (वय 26 ) हा तरुण गंभीररित्या जखमी झाला.जखमीला स्थानिक तरुणांनी तातडीने कामगार रुग्णालयात पाठविले. अपघात घडल्याचा आवाज मोठा असल्याने परिसरातील ग्रामस्थ अपघातस्थळी गेले. दुचाकी चालकाच्या डोक्यावर हेल्मेट असूनही डोक्याला व इतर ठिकाणी गंभीर मार लागला.
तसेच मॅकव्हिलचे तुकडे झाले.अपघात घडताच कंटेनरचा चालक पसार झाला. दुपारी शवविच्छेदन झाल्यावर मृतदेह नातेवाईकांच्या ताब्यात देण्यात आला. पुढील तपास पोलीस नाईक श्री.परबत व किशोर औताडे करत आहेत.
