सांगली | Sangli
भाजप आमदार गोपीचंद पडळकर यांनी सांगली जिल्ह्यातील जत विधानसभा मतदारसंघात बोलताना, जयंत पाटील यांच्यावर गलिच्छ शब्दात टीका केली होती. गोपीचंद पडळकर यांनी राजाराम बापू यांच्याबद्दल देखील वादग्रस्त वक्तव्य केलं. यानंतर राजकीय वर्तुळातून त्यांच्यावरती टीकेची झोड उठली, मात्र त्यानंतर त्यांनी माफी मागण्यास देखील नकार दिला होता ते त्यांच्या वक्तव्यावरती ठाम होते. पडळकरांच्या या वक्तव्याचा राष्ट्रवादी काँग्रेस शरद पवार गटाकडून आंदोलन करुन जोरदार निषेध करण्यात आला, शरद पवारांनी याबाबत देवेंद्र फडणवीसांना फोन करत याबाबत नाराजी व्यक्त केली. फडणवीसांनी या वक्तव्यानंतर पडळकरांना फोन केल्याचीही माहिती समोर आली होती. त्यानंतर आता बापू बिरू वाटेगावकर यांचा मुलगा शिवाजी वाटेगावकर यांनी पडळकरांना थेट इशारा दिला देत दम भरला आहे.
बापूंसारख्यांवर बोलतो एवढा मोठा झाला का तू
जयंत पाटालांविरूद्ध काहीतरी बोलतो. तो माणूस तुला काही आलतू फालतू वाटला का, तू कदाचित या वाळवा तालुक्यात यायचा विचार कर तुझे कपडे काढूनच पाठवतो. तू जत तालुक्यातून निवडून येऊन दाखवच. तुला समाजात काही काडीचीही किंमत नाहीत, असे म्हणत शिवाजी वाटेगावकर यांनी पडळकरांवर टीका केली आहे. धनगर समाजाला त्याने मान खाली घालायला लावली. बापूंसारख्यांवर तो बोलतो एवढा मोठा झाला का तू…, असे म्हणत शिवाजी वाटेगावकर यांनी जोरदार हल्ला चढवला.
तुझी चड्डी सुध्दा ठेवणार नाही
पुढे शिवाजी वाटेगावकर म्हणाले, वाळवा तालुक्यात यायचा विचार कर तुझे कपडे काढूनच पाठवतो. तुझी चड्डी सुद्धा ठेवणार नाही, असे म्हणत शिवाजी वाटेगावकर यांनी पडळकरांना इशारा दिला आहे. तसेच शरद पवार गटाने देखील गोपीचंद पडळकरांना टीका केली आणि राज्यभर आंदोलनं सुरू आहेत. या प्रकरणावर खुद्द शरद पवार यांनी देवेंद्र फडणवीस यांच्याशी फोनवरून चर्चा केली असून फडणवीसांनी पडळकरांना समज देखील दिला आहे.
देवेंद्र फडणवीसांची प्रतिक्रिया
गोपीचंद पडळकर यांनी जे विधान केलेय ते योग्य आहे, असे माझेही मत नाही. कोणाच्याही वडिलांबद्दल किंवा परिवाराबद्दल विधान करणे योग्य नाही. या संदर्भात गोपीचंद पडळकर यांच्याशी मी बोललेलो आहे त्यांनाही मी सांगितलेय, असे देवेंद्र फडणवीस म्हणाले. तसेच मला शरद पवारांचा फोन आला होता. मीही त्यांना सांगितले, अशा प्रकारच्या विधानाचे आम्हीही कधीच समर्थन करणार नाही, असे देवेंद्र फडणवीस म्हणाले.
खुद्द भाजप आमदार गोपीचंद पडळकर यांनी याबाबतची माहिती दिली आहे. राज्याचे मुख्यमंत्री माननीय देवेंद्र फडणवीस यांचा मला फोन आला होता. यासंदर्भामध्ये अशी वक्तव्य करू नका अशा पद्धतीची सूचना त्यांनी मला दिली आहे. मी त्यांच्या सूचनेचे पालन करेन. फडणवीस यांनी मला ज्या सूचना दिल्या आहेत त्या मी पाळणार आहे, असे गोपीचंद पडळकर यांनी म्हटले आहे.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
