कारची काच फोडून रोकड लंपास

येवला | प्रतिनिधी Yeola

येथील कृषी उत्पन्न बाजार समितीच्या आवारात पार्किंग केलेल्या बंद कारची काच फोडून चोरट्यांनी पाच लाख रुपयाची रोकड चोरली.

भास्कर वामन येवले (वय ५७) रा. कुसमडी, ता. येवला यांनी बडोदा बँक येवला येथुन चेकने ५ लाख रुपये काढून त्यांची कार (क्रमांक एच.२०- बी. वाय.- ९७०२) मधे ड्राव्हरशिटचे खाली पिशवीमध्ये गुंठाळुन ठेवले होते. त्यानंतर येवले बाजार समिती आवारात खरेदी विक्री संघ कार्यालयात गेले. या दरम्यान, अज्ञात चोरट्याने कारची पुढील डाव्या बाजुची काच फोडुन कारमध्ये ठेवलेले ५ लाख रुपये चोरुन नेले.

या प्रकरणी शहर पोलिसात येवले यांनी दिलेल्या फिर्यादी वरून चोरीचा गुन्हा दाखल करण्यात आला आहे. या प्रकरणाचा अधिक तपास पोलिस निरीक्षक अनिल भवारी यांचे मार्गदर्शनाखाली हवालदार एम. व्ही ठाकरे , के. एस व्यापारे करीत आहेत.