बसमध्ये चढताना रोकड लंपास

सटाणा | प्रतिनिधी Satana

बसमध्ये चढतांना एका वृद्धाची एक लाख रूपये व महत्वाची कागदपत्र असलेली पिशवी अज्ञात चोरट्याने लंपास केली. सटाणा बसस्थानकावर हा प्रकार घडला.

नानाभाऊ शंकर गायकवाड (७३ रा. विंचूरे) हे आपल्या गावी जाण्यासाठी बसमध्ये चढत होते. याच दरम्यान गर्दीचा फायदा घेत अज्ञात चोरट्याने त्यांच्या जवळील एक लाखाची रोकड तसेच बँकेचे पासबुक, चेकबुक असलेली पिशवी त्यांच्या नकळत लंपास केली. हा प्रकार लक्षात येताच गायकवाड यांनी सटाणा पोलिसात फिर्याद दिली.

पोलिसांनी अज्ञात चोरट़यांविरुद्ध गुन्हा दाखल केला असून हवालदार टिळेकर हे तपास करीत आहेत.