राज्यात आज ‘इतके’ नवे करोना रूग्ण

मुंबई / mumbai – राज्यात आज उपचारानंतर बरे झालेल्या 7 हजार 839 जणांना रुग्णालयातून डिस्चार्ज देण्यात आला आहे तर 8 हजार 159 नवे करोना पॉझिटिव्ह रुग्ण आढळले आहेत. याशिवाय राज्यात आज 165 करोनाबाधित रूग्णांच्या मृत्यूची देखील नोंद झाली आहे.

राज्यात आतापर्यंत एकूण 60,08,750 करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) 96.33 टक्के इतके झाले आहे. तर, सध्या राज्यातील मृत्यूदर 2.09 टक्के इतका झाला आहे.

आतापर्यंत तपासण्यात आलेल्या 4,60,68,435 प्रयोगशाळा नमुन्यांपैकी 62,37,755 (13.54 टक्के) नमुने पॉझिटिव्ह आले आहेत. सध्या राज्यात 5,51,521 व्यक्ती होमक्वारंटाईनमध्ये आहेत तर 3,795 व्यक्ती संस्थात्मक क्वारंटाईनमध्ये आहेत. राज्यात आज रोजी एकूण 94,745 अ‍ॅक्टिव्ह रुग्ण आहेत.