पुणे |प्रतिनिधी| Pune
पुणे शहरात सोनसाखळी चोरी करून धुमाकूळ घालणाऱ्या चोरट्याला विश्रांतवाडी पोलिसांनी जेरबंद केले.
सीसीटीव्ही फुटेजच्या आधारे तपास करताना पोलिसांनी केवळ त्याने घातलेल्या जर्किनवरून त्याचा शोध लावला.
रुपेश प्रकाश यादव (वय 36) असे या चोरट्याचे नाव आहे. त्याच्याकडून चोरीचे सोने विकत घेणाऱ्या अलीम अलीम शेख (वय 40) या सोनाला ही पोलिसांनी बेड्या ठोकल्या.
पोलिसांनी या चोरट्याने केलेले सोनसाखळी चोरीचे पाच गुन्हे आणि वाहन चोरीचे सहा गुन्हे उघडकीस आणले असून 7 लाख 13 हजार रुपयांचा मुद्देमाल जप्त केला आहे.
24 सप्टेंबर रोजी विश्रांतवाडी पोलीस स्टेशन च्या हार्दिक एका महिलेची सोनसाखळी अज्ञात चोरट्याने हिसकावली होती. विश्रांतवाडी पोलीस या गुन्ह्याचा तपास करत असताना त्यांनी घटनास्थळावरील सीसीटीवी फुटेज चेक केले असता त्यातून एक आरोपी निष्पन्न झाला.
यापूर्वीही चंदननगर, अलंकार आणि विमाननगर पोलीस स्टेशनच्या हद्दीत झालेल्या सोनसाखळी चोरीमध्ये तो एकाच प्रकारचे जर्किंग घालून वावरत असल्याचे दिसून आले.
आरोपी निष्पन्न झाल्यानंतर विश्रांतवाडी,विमानतळ आणि गुन्हे शाखेच्या पोलिसांनी वेगवेगळ्या टीम स्थापन करून आरोपीला अटक केली.