दिलासादायक : पुण्यात दिवसभरात ‘इतक्या’ रुग्णांना डिस्चार्ज

पुणे –

पुणे शहरात दिवसभरात नव्याने 391 तर पिंपरी-चिंचवडमध्ये 457 करोनाबाधितांची नोंद झाली. जिल्ह्यातील या दोन्ही प्रमुख शहरांमधील आजची संसर्गाची आकडेवारी

ही गेल्या काही दिवसांतील आकडेवारीच्या तुलनेत कमी असल्याने ही पुणेकरांसाठी दिलासादायक बाब ठरली आहे.

पुण्यातील एकूण रुग्णांची संख्या 1 लाख 49 हजार 790 पोहोचली आहे. तर दिवसभरात 32 रुग्णांचा मृत्यू झाला आहे. त्यामुळे आज अखेर 3 हजार 679 रुग्णांचा मृत्यू झाला आहे. करोनावर उपचार घेणार्‍या 917 रुग्ण बरे झाल्याने त्यांना घरी सोडण्यात आलं आहे. त्यामुळे आज अखेर 1 लाख 31 हजार 270 रुग्ण करोनामुक्त झाले आहेत.

तर पिंपरी-चिंचवड शहरात दिवसभरात 457 करोनाबाधित रुग्णांची नोंद झाली असून 18 जणांचा मृत्यू झाला आहे. तर, 833 जण करोनामुक्त झाले असून त्यांना घरी सोडण्यात आले आहे. पिंपरी-चिंचवड शहरातील एकूण करोनाबाधित रुग्णांची संख्या 80 हजार 923 वर पोहचली असून यांपैकी 74 हजार 504 जण करोनातून बरे झाले आहेत.

दरम्यान, सध्या महापालिकेच्या रुग्णालयात सक्रिय रुग्णांची संख्या 3 हजार 451 एवढी आहे, अशी माहिती महापालिकेच्या आरोग्य विभागानं दिली.