सिन्नर | प्रतिनिधी Sinnar
येथील संगमनेर नाका परिसरातील नितिन मशिनरी या दुकानातून अज्ञात चोरट्यांनी विद्युत मोटारींचे जवळपास दीड लाखांचे साहित्य चोरुन नेले. चोरी करताना चोरटे दुकानातील सीसीटीव्ही कॅमेर्यात कैद झाले आहेत.
संगमनेर नाक्याच्या पुढे गेल्यावर देवनदीच्या पुलाजवळ हे दुकान आहे. मंगळवारी (दि.२७) मध्यरात्री दोन वाजेच्या सुमारास चोरट्यांनी दुकानाच्या पाठीमागील बाजूचा पत्रा वाकवून आत प्रवेश केला. चोरट्यांनी दुकानातील मोटारींसाठी लागणार्या जवळपास दीड लाखांच्या पितळी वस्तू चोरुन नेल्या. सकाळी नेहमीप्रमाणे दुकानदार दुकानावर आले असता त्यांना चोरी झाल्याचे निदर्शनास आले. सिन्नर पोलिसांना माहिती मिळताच त्यांनी घटनास्थळी येऊन पाहणी केली.
सीसीटीव्ही कॅमेर्यात रेनकोट घातलेले व तोंडाला रुमाल बांधलेले तीघे जण दिसून आले. याआधीही या दुकानात चोरीचा प्रकार घडला होता. यामुळे परिसरातील व्यावसायिकांमध्ये भीती पसरली आहे.
