जळगाव । प्रतिनिधी jalgaon
शिवसेना नेते आणि मंत्री गुलाबराव पाटील यांचा भादली येथे रात्री जल्लोषात प्रचार सुरु होता. ‘सर्वभाव’ प्रतिष्ठान व नारखेडे मित्र परिवारातील लाडक्या भगिनींनी गुलाबराव पाटील यांचा 101 दिव्यांनी औक्षण केले. मुस्लीम बांधवांनी स्वागत केले.
भादली येथे शेत रस्ते खडीकरण व डांबरीकरण, शादिखाना कब्रस्थान संरक्षक भिंत, उर्दुशाळा, ग्राम सचिवालय व अनेक सामाजिक सभागृह, गाव अंतर्गत मुलभूत सुविधा, विविध सामाजिक सभागृह अशी विविध विकास कामे झाल्यामुळे नागरिकांनी सत्कार करून आम्ही तुमच्या सोबत आहोत असा प्रतिसाद दिला. चौका-चौकातून भव्य रॅलीचे स्वागत करण्यात आले. गुलाबभाऊ म्हणाले की, ग्रामस्थांच्या व लाडक्या बहिणीच्या प्रेमाने मी भारावलो असून त्यांचे ऋण सर्वांगीण विकास कामांतून फेडण्याचा प्रयत्न करणार आहे.
घोषणांनी वेधले लक्ष
‘देखो औखोसे, गुलाबभाऊ आयेंगे लाखोंसे’, ‘लाडक्या बहिंचे लाडके भाऊ-गुलाबभाऊ’ जय भवानी-जय शिवराय आणि शिवसेना प्रमुख बाळासाहेब ठाकरे जिंदाबादच्या घोषाणांनी लक्ष वेधले. 2 वर्षाच्या कृष्णवी नारखेडे या चिमुरडीने गुलाबपुष्प देवून गुलाब भाऊंचे स्वागत केले तर 8 वीत जाणार्‍या पियुष नारखेडे या मुलाने गुलाब भाऊंचे चित्र रेखाटून त्याची प्रतिमा भेट दिली.
धरणगाव येथे मुख्यमंत्र्यांची जाहीर सभा व आजचा दौरा
शिरसोली प्र.बो.-स.8वा. व शिरसोली प्र.न.-स.10 वा. रामदेववाडी येथे दुपारी 12 वाजता प्रचार आहे. महायुतीचे उमेदवार गुलाबराव पाटील यांच्या प्रचारार्थ धरणगाव येथे आठवडे बाजारात सायंकाळी 6 वाजता मुख्यमंत्री एकनाथ शिंदे यांच्या भव्य जाहीर सभेचे आयोजन करण्यात आले असून हजारोंच्या संख्येने उपस्थित राहण्याचे आवाहन महायुतीच्या पदाधिकारी मार्फत करण्यात आले आहे.
‘गुलाब भू’च मंत्री होणार!- नांदेड, साळवा, रोटवद आणि परिसरातील गावागावात नुकताच गुलाबराव पाटील यांचा जंगी प्रचार दौरा पार पडला. सर्वसामान्य माणसांपर्यंत त्यांची ओळख एक खंबीर, कर्तव्यनिष्ठ नेत्याची बनली आहे. प्रचारा दरम्यान सर्वसामन्याच्या प्रत्येक शब्दात ‘गुलाब भू’च मंत्री होणार! अशा भावना सर्वसामन्यांनी बोलून दाखविल्या.
