Monday, November 16, 2026
Homeब्रेकिंग न्यूजगणपती बाप्पा मोरया...पुढच्या वर्षी लवकर या... लालबागच्या राजाचे भावपूर्ण वातावरणात विसर्जन

गणपती बाप्पा मोरया…पुढच्या वर्षी लवकर या… लालबागच्या राजाचे भावपूर्ण वातावरणात विसर्जन

मुंबई |

मुंबईतील अनेक मानाच्या गणपतींचे काल विसर्जन काल पार पडले. शनिवारी (६ सप्टेंबर) अनंत चतुर्दशीच्या दिवशी दुपारी १२ वाजता लालबागच्या राजाची विसर्जन मिरवणूक मंडपातून निघाली होती. लालबागच्या राजाचे विसर्जन अद्याप बाकी होते. गिरगाव चौपाटीवर आज सकाळी आठच्या सुमारास लालबागचा राजा दाखल झाला. मात्र, मूर्तीला नव्या ऑटोमेटेड तराफ्यावर चढवण्याचे तासोनतास प्रयत्न करून यश आले.

विसर्जनासाठी समुद्रातील भरतीमुळे अडचण आणखी वाढली होती . सकाळी ९ वाजून १९ मिनिटांनी भरती सुरू झाली आणि ११.४० वाजता तब्बल ४.४२ मीटरपर्यंत समुद्राचे पाणी वाढले. समुद्राला ओहोटी लागेपर्यंत लालबागच्या राजाचे विसर्जन थांबवण्याचा निर्णय घेतल्याने चौपाटीवर उपस्थित असलेल्या लाखो भाविकांची उत्कंठा शिगेला पोहोचली होती. भाविकांच्या सुरक्षेसाठी पोलिस आणि स्वयंसेवकांनी विशेष व्यवस्था केली होती गर्दी असूनही शिस्तबद्ध वातावरण दिसून येत होते.

दरम्यान लालबागच्या विसर्जनाच्या आरतीच्या वेळेस अनंत अंबानी उपस्थित होते. आज रात्री सव्वा नऊ वाजेच्या दरम्यान गिरगाव चौपाटीवर लालबागच्या राजाला भावपूर्ण वातावरणात निरोप देण्यात आला.

- Advertisement -

ताज्या बातम्या

Ahilyanagar : 2006 च्या दिव्यांग भरतीतील 70 शिक्षकांची मूळ फाईलच गायब

0
अहिल्यानगर |प्रतिनिधी| Ahilyanagar जिल्हा परिषदेच्या प्राथमिक शिक्षण विभागातील 2006 मधील विशेष दिव्यांग शिक्षक भरतीचा विषय पुन्हा ऐरणीवर आला आहे. या भरतीशी संबंधित 70 शिक्षकांच्या मूळ...