महिला दिन
रोज लुटली जाते इथे
रस्त्यावर इज्जत महिलेची
अन आम्ही गातोय समारंभात
महिती महिला दिनाची
- Advertisement -
वर्षांनुवर्षे निर्भया माझी
न्यायासाठी लढते आहे
न्यायदेवता माझ्या देशाची
आरोपीला संधी देते आहे
येता जाता भरचौकात
होतो तिचा विनयभंग
आम्ही मात्र समारंभात
हारतुरे घेण्यात दंग
शेजारी नातेवाईक भाऊ अन बापही
अत्याचार पोरीवर करतो आहे
आजची नारी सक्षम किती
यावरच भाषण झोडतो आहे
जेंव्हा मायबहीण आपली
निर्भयपणे रस्त्यावर फिरेल
तो दिवस खऱ्या अर्थाने
महिला दिवस असेल
माधुरी चौधरी औरंगाबाद
9421860873
