मुंबई | Mumbai
प्रसिद्ध नृत्यांगणा मानसी नाईक (Manasi Naik) नेहमीच सोशल मीडियावर सक्रिय असते. आपल्या पोस्टच्या माध्यमातून नेहमीच मानसी चाहत्यांच्या संपर्कात असते. अशातच आता या अभिनेत्रीचं स्वप्न साकार झालं आहे. मानसीने आता नवं घर घेतलं आहे. या नव्या घरात गृहप्रवेश (New Home) करतानाचा व्हिडीओ तिने सोशल मीडियावर शेअर केला आहे.
साडे तीन मुहूर्तांपैकी एक समजल्या जाणाऱ्या अक्षय्य तृतीयेच्या (Akshayaa Tritiya) दिवशी अनेक लोकं आपल्या शुभ कार्याचा श्री गणेशा करतात. याच शुभ मुहूर्तावर मानसीने नवं घर खरेदी केलं आहे. अक्षय्य तृतीयेच्या शुभ मुहूर्तावर पुजा करत गृहप्रवेश केला आहे. नुकताच गृहप्रवेश करताना तिने एक व्हिडीओ शेअर केला आहे.
मुख्यमंत्र्यांनी बोलावली बैठक; महाराष्ट्रात राजकीय घडामोडींना वेग
मानसीने व्हिडीओ शेअर करत लिहिलं आहे, “प्रत्येकाचं स्वप्न असतं आपलं स्वत:चं एक तरी घर असावं. जिथे आपल्या लोकांनी आनंदाने हसावं. दमलेल्या जीवासाठी ते विसाव्याचं स्थान असावं. या रखरखीच्या जगण्यात वावरताना उमेद देणारं डोळ्यासमोर तुम्हाला तुमचं घर दिसावं. माझी ऊर्जास्थान बनले माझं नवीन घर, मांगल्याचे दुसरे रुप असते… एक घरसंस्काराची शिदोरी असते एक घर, माझे घर”.
MPSC संयुक्त परीक्षेचे ९० हजारांपेक्षा जास्त हॉल तिकीट Telegram वर लीक… आयोगाचे काय स्पष्टीकरण ?
IPL 2023 : अर्शदीप सिंगने BCCIला दिला मोठा झटका, सेकंदात केले लाखोंचे नुकसान
मानसीने शेअर केलेल्या व्हिडीओमध्ये, तिच्या सोबत तिचे कुटुंबीय दिसत असून ते उंबऱ्यावर उभे राहत कलशाची पुजा करताना दिसते, त्यानंतर पुढे ती नव्या घराच्या दारावर ‘श्री’ लिहीताना दिसत आहे. सध्या मानसीचा व्हिडीओ सोशल मीडियावर बराच व्हायरल होताना दिसत आहे. कमेंटच्या माध्यमातून मानसीवर कौतुकाचा वर्षाव होत आहे.
मानसी नाईकला गेल्या काही दिवसांपासून अनेक अडचणींचा सामना करावा लागत होता. वर्षभरापूर्वी ती प्रदीप खरेरासोबत लग्नबंधनात अडकली. पण त्यांचं नातं फार काळ टिकू शकलं नाही. नुकतचं तिने घटस्फोट घेत असल्याचं जाहीर केलं होतं. आता घटस्फोटाच्या अवघ्या दोन महिन्यांच्या आत मानसीने नवीन घर घेतलं आहे. अक्षय्य तृतीयेच्या मुहूर्तावर मानसीने नव्या घरात प्रवेश केला आहे.
