औरंगाबाद – aurangabad
शेजारी राहणाऱ्या व्यक्तीला तुमच्या घरातून वीज देत असाल तर, आधी शेजारचा व्यक्ती (MSEDCL) महावितरणाचा थकबाकीदार तर नाही ना याची खात्री करा. कारण अनधिकृतपणे वीजपुरवठा (Power supply) केल्यास महावितरण कारवाई करणार असून, प्रसंगी फौजदारीही करतील. (Electricity bill) वीजबिल वसुलीसाठी महावितरणकडून मोहीम हाती घेण्यात आली असून, त्यासाठी थेट कारवाई केली जात आहे.
थकबाकी वसुलीसाठी (MSEDCL) महावितरणच्या ‘हर घर दस्तक मोहिमे’ अंतर्गत महावितरणचे कर्मचाऱ्यांसह अधिकारी रस्त्यावर उतरून वीजबिल वसुली करत आहेत. वेळीप्रसंगी ग्राहकांचा वीज कनेक्शन बंद करून मीटर जप्त करण्यात येत आहे. पण ग्राहक यावरही जुगाड शोधत असून, तात्काळ शेजाऱ्यांकडून वीज घेत आहे. त्यामुळे आता थकबाकीदार शेजाऱ्यांना वीज देणाऱ्या ग्राहकांवर अनधिकृतपणे वीजपुरवठा केल्याप्रकरणी महावितरण कारवाई करणार असून, प्रसंगी फौजदारी कारवाई करतील.
औरंगाबाद जिल्ह्यात एकूण घरगुती ग्राहकांची संख्या २ लाख ५८ हजार ८४४ असून त्याची थकबाकी ११०. ०२ कोटी आहे. तर व्यवसायिक ग्राहकांची संख्या २१ हजार १४८ असून थकबाकी १२. ८८ कोटी आहे. तर कृषी ग्राहकांची संख्या २ २५ लाख ७०३ असून थकबाकी २,३४२. १० कोटी आहे. त्यामुळे जिल्ह्यात तब्बल २ हजार ४६५ कोटींची थकबाकी आहे. त्यासाठी महावितरणकडून वीजबिल वसुली करण्यात येत आहे.
