नाशिकरोड | प्रतिनिधी | Nashik Road
येथील एकलहरे रोडवर (Eklahare Road) कॉलेजवरून घरी जात असताना मातोश्री कॉलेजचा विद्यार्थी (Student) एकलहरे रोड येथे डंपरच्या चाकाखाली सापडून जागीच ठार (Killed) झाला. तर त्याचा एक मित्र या अपघातात जखमी झाला.
याबाबत अधिक माहिती अशी की, आयुष विजय जाधव (वय २३) रा. डोंबिवली, मुंबई असे अपघातात ठार झालेल्या विद्यार्थ्याचे नाव आहे. आयुष हा मातोश्री कॉलेज (Matoshri Collage) येथे शिक्षणासाठी भोर मळा येथे त्याच्या मामाकडे गेल्या चार ते पाच वर्षापासून राहत होता. आयुष हा सकाळी मातोश्री कॉलेज येथून घरी येत असताना त्याची एक्टिवा गाडी पुढे गतिरोधक असल्याने स्लिप झाली.
त्यानंतर त्याच्यासोबत असणारा त्याचा मित्र (Friend) देखील एका बाजूला पडून जखमी झाला. तर आयुष हा एका मोठ्या डंपरच्या चाकाखाली आल्याने त्याचा चिरडून जागीच मृत्यू झाला. साडे अकरा ते बारा वाजेच्या सुमारास हा अपघात घडला असून, याप्रकरणी नाशिक रोड पोलीस ठाण्यात गुन्हा नोंदविण्याचे काम सुरू होते.
