नाशिक | Nashik
गेल्या तीन ते चार दिवसांपासून नाशिक शहरात (Nashik City) तापमानात (Temperature) बदल होत असल्याचे दिसून येत आहे. आज सकाळी शहरासह ग्रामीण भागात दाट धुके (Fog) पसरल्याचे दिसून आले होते. त्यानंतर दुपारी काहीसा उन्हाचा चटका जाणवत होता. मात्र, दुपारनंतर वातावरणात बदल होऊन शहरावर पुन्हा एकदा धुक्याची दाट दुलई पांघरलेली पाहायला मिळाली. त्यामुळे दिवसभर गारवा जाणवत होता.
या दाट धुक्याच्या तीव्रतेमुळे वाहन चालकांना सकाळी चक्क लाईट लावून वाहने (Vehicles) चालवावी लागत होती. वातावरणातील (Atmosphere) या बदलामुळे सायंकाळी चार वाजेपासून थंडी (Cold) जाणवत आहे. त्यामुळे रहिवाशांना दुर्मिळ हवामानाच्या अनुभव येत आहे. या नयनरम्य दुश्यामुळे नागरिकांना काहीसा काश्मीरमध्ये आल्यासारखे जाणवले. तसेच आज सकाळी योगाभ्यास, जॉगिंग, सायकलिंग किंवा कामावर जाणाऱ्यांसह लवकर उठणारे, स्वप्नासारख्या धुक्यातून जाताना दिसले.
दरम्यान, नाशिकने (Nashik) दाट धुके अनुभवले असताना, आज (रविवारी) नागपूर महाराष्ट्रातील सर्वात थंड शहर म्हणून उदयास आले असून नागपूरचे किमान तापमान ११.८ डिग्री सेल्सियस नोंदवले गेले आहे.तसेच पुण्यातील भारतीय हवामान विभागाने (IMD) सोमवार ते बुधवारपर्यंत हवामान कोरडे राहण्याचा अंदाज वर्तवला आहे.तर गुरुवारपासून मध्य महाराष्ट्रातील काही भागांत वादळ आणि विजांच्या कडकडाटासह तुरळक पाऊस पडण्याची शक्यता आहे.
तापमानात चढउतार
गेल्या पाच दिवसांपासून नाशिकमध्ये तापमानात लक्षणीय वाढ झाली आहे.मंगळवारी (दि. १७ डिसेंबर) रोजी शहराचे किमान तापमान ८ अंश सेल्सिअस नोंदवले गेले होते.जे आज रविवार (दि.२२ डिसेंबर) पर्यंत हळूहळू १४ अंश सेल्सिअसवर पोहोचले. यात अवघ्या पाच दिवसांत सहा अंशांनी वाढ झाली. तर तापमानवाढीचा हा ट्रेंड असूनही, रविवारी सकाळी दाट धुके व अंशत:ढगाळ आकाशाने नागरिकांना थंड वाऱ्याची आठवण करून दिली आणि थंड वाऱ्यांनी वातावरणात आणखी भर घातली.
रविवारची प्रसन्न सकाळ
आज सकाळी दाट धुक्यांनी नाशिकमध्ये तात्पुरते पण सुंदर परिवर्तन घडवून आणले. त्यामुळे शहराला शांत आभाळाने मोहित केले.थंडीमध्ये काही फेरबदल करणे आवश्यक असताना, अनोख्या हवामानाने हिवाळ्याच्या मोहकतेची झलक दिली आणि नागरिकांना अशा आणखी आनंददायी सकाळची वाट पाहण्यास सोडले.
