Wednesday, February 19, 2025
Homeक्राईमNashik Crime : माचिसमधून नशेचा बाजार; एमडी ड्रग्जचे गुजरात व्हाया मुंबई ते...

Nashik Crime : माचिसमधून नशेचा बाजार; एमडी ड्रग्जचे गुजरात व्हाया मुंबई ते नाशिक कनेक्शन

तरुण पिढी आहारी?

नाशिक | प्रतिनिधी | Nashik

नाशिक अमली पदार्थ विरोधी पथकाने (एनडीपीएस) एमडी ड्रग्ज (MD Drugs) तस्करी करणाऱ्या दोन सराईतांना अटक (Arrested) केल्यानंतर त्यांनी मुंबईतूनच हे ड्रग्ज आणल्याचे उघड झाले आहे. हे दाेघेही एका माचिस बाँक्समध्ये (काडीपेटी) ‘एमडी’ लपवून तस्करी करत हाेते. त्यानंतर छाेट्या प्लॅस्टिक पाऊचमध्ये काही मिलिग्राम एमडी भरुन ते १ ते २ हजार रुपये दराने विक्री करत हाेते. विशेष म्हणजे आतापर्यंत उघड झालेल्या ड्रग्ज पेडलरने मुंबईतून ड्रग्ज आणल्याचे कारवायांतून समाेर आले आहे.

- Advertisement -

रोहित नंदकुमार पवार (वय २८, रा. चेतनानगर) व बाबू प्यारेलाल कनोजिया (३५, रा. हेगडेवार नगर), अशी संशयितांची नावे आहेत. ‘एनडीपीएस’ने शनिवारी (दि. ११) मुंबई नाका परिसरात सापळा रचून एका पुरुषासह तीन महिलांना अटक केली हाेती. त्यांच्याकडून ७५.५ ग्रॅम ‘एमडी’ जप्त केले. गणेश कैलास गिते (वय ४५, रा. मखलमलाबाद), रूतुजा भास्कर झिंगाडे (२२, रा. शिवाजी पार्क, सातपूर), स्विटी सचिन अहिरे (२८, रा. श्रीधर कॉलनी, पेठरोड), पल्लवी निकुंभ उर्फ सोनाली शिंदे (३६, रा. साईनगर, अमृतधाम) अशी संशयितांची नावे आहेत.

या दोन्ही टोळ्यांनी मुंबईतून (Mumbai) ‘एमडी’ खरेदी केली असून, काही महिन्यांपासून ते शहरात विक्री करीत होते. ‘छोटी भाभी’ प्रकरणावेळीही ‘मुंबई कनेक्शन’ उघड झाले होते. तर त्यानंतरही शहरात झालेल्या ‘एमडी’च्या गुन्ह्यांत नशेचा बाजार मुंबईमार्गे होत असल्याचे निष्पन्न झाले. त्यामुळे ‘एनडीपीएस’ने आता मुंबईतल्या ‘एमडी’ तस्करांना ताब्यात घेण्यासाठी लक्ष केंद्रीत केले आहे. या केमिकल नशेच्या गुन्ह्यांतील संशयितही (Suspect) ‘ड्रग्ज’च्या आहारी गेले असल्याने त्यांच्या हातावर इंजेक्शन टाेचवून घेतल्याचा अनेक गंभीर जखमा आहेत, असेही समाेर आले आहे.

पुन्हा कारागृहातील ओळख

सन २०२२ मध्ये एका तरुणाच्या (Youth) मृत्यूस जबाबदार ठरल्याप्रकरणी नाशिकरोड मध्यवर्ती कारागृहात असताना इतर बंदीवानांशी ओळख करुन मॅफेड्रॉन (एमडी) तस्करीची माहिती मिळत ‘नशेच्या बाजारात’ उतरलेल्या राेहित पवार आणि बाबू कनाेजिया यांनी यांना सध्या अटक असून त्यांच्याकडून साडेतीन लाखांचे ‘एमडी’ जप्त केले असून, कारागृहात तस्करीची माहिती घेत बाहेर येताच दोघांनीही ‘एमडी’ विक्री सुरू केल्याचे समोर येत आहे. ही कारवाई गुन्हे उपायुक्त प्रशांत बच्छाव, सहायक आयुक्त संदीप मिटके यांच्या सूचनेने वरिष्ठ निरीक्षक सुशीला काेल्हे याच्यासह पथकातील सहायक निरीक्षक विशाल पाटील, सहायक उपनिरीक्षक रंजन बेंडाळे आदींनी केली आहे.

आता काडीपेटी तेव्हा ‘साउंड बॉक्स’

संशयित सनी पगारे व अर्जुन पिवाल यांच्या टोळीला सन २०२३ मध्ये नाशिक ‘एनडीपीएस’ने अटक केली होती. सोलापुरात सनी पगारेचा एमडीचा कारखाना व गोदाम उद्ध्वस्त करण्यात आले होते. त्यामध्ये हैदराबादपासून तर आंतरराष्ट्रीय तस्करीपर्यंतचे धागेदोरे पोलिसांच्या हाती लागले होते. विशेष म्हणजे, सनी पगारेची टोळी सोलापुरात एमडी तयार करुन ‘साउंड बॉक्स’मधून नाशिकमध्ये व राज्यासह देशात इतरत्र पाठवित असल्याचे उघड झाले होते. त्यानंतर सामनगाव परिसरात एका तरुणाला पोलिसांनी थेट वजनकाट्यासह अटक केली होती. त्यामुळे ‘एमडी’ तस्करीत ‘साउंड बॉक्स’ पाठोपाठ काडीपेटीचाही वापर झाल्याचे पुढे आले आहे.

- Advertisment -spot_img

ताज्या बातम्या