उमराणे : मृत कोरोना बाधीत महिलेच्या संपर्कातील ९ संशयितांचे अहवाल पॉझिटिव्ह

By

-

July 20, 2020 | 11:03 pm

default-featured-image — Nashik Rain News : त्र्यंबकेश्वरला अवकाळी पावसाची हजेरी; नाशिकमधील काही भागांत हलक्या सरी

उमराणे | Umrane वार्ताहर

दोन दिवसापूर्वी पॉझिटिव्ह निघालेल्या उमराणे येथील मृत कोरोना बाधीत महिलेच्या संपर्कातील ९ संशयितांचे अहवाल पॉझिटिव्ह आले असून यामध्ये २४ वर्षीय पुरुष, ३८ वर्षीय पुरुष, ३१ वर्षीय महिला, ३६ वर्षीय पुरुष, २५ वर्षीय महिला, १९ वर्षीय पुरुष, ६ वर्षीय मुलगा, १० वर्षीय मुलगा, ३४ वर्षीय पुरुष यांचा समावेश आहे.

तसेच देवळा शहरातील ७६ वर्षीय पुरुष व दहिवड येथील २५ वर्षीय पुरुष पॉझिटिव्ह आढळून आले आहे. हा युवक रशियात वैद्यकीय शिक्षण घेत असून तो आपल्या गावी येत असताना त्याला नाशिक येथे क्वांरटाईन करण्यात आले होते. त्यामुळे आज तालुक्यात ११ कोरोना बाधीत रुग्णांची वाढ झाली आहे. अशी माहिती डॉ. मांडगे यांनी दिली आहे.

९ पॉझिटिव्ह आल्यामुळे उमराणे ग्रामस्थांच्या चिंतेत वाढ झाली असून आज सायंकाळी तहसीलदार शेजवळ, गटविकास अधिकारी देशमुख, कृषी अधिकारी पवार, तालुका वैद्यकीय अधिकारी डॉ. सुभाष मांडगे, तालुका पोलीस निरीक्षक मातोंडकर, जिल्हा परिषद सदस्य यशवंतराव शिरसाठ, उपसभापती धर्मा देवरे, माजी सभापती विलास देवरे, तालुका पोलीस यांनी प्रतिबंधित क्षेत्राला भेट दिली असून गावात कोरोनाचा प्रसार वाढू नये ह्यासाठी काय उपाय योजना करता येतील चर्चा करण्यात आली असून मंगळवारी निर्णय घेण्यात येणार आहे.

गाव आठ बंद ठेवण्यात येणार असल्याचे कळते, ग्रामस्थांनी घाबरून न जाता सर्दी, खोकला, ताप असल्यास त्वरित ग्रामपंचायत किंवा ग्रामीण रुग्णालयाला कळवावे. लवकर उपचार घेतल्यास लवकर कोरोना बरा होतो. असे आवाहन सरपंच लताबाई देवरे यांनी केले आहे.

राज्याचे कृषिमंत्री जेव्हा करोनाबाधित रुग्णांसोबत योगासने करतात

By

Deshdoot Digital

-

July 20, 2020 | 10:18 pm

0

मालेगाव | प्रतिनिधी

शहरातील मसगा महाविद्यालयातील करोना उपचार केंद्रात दाखल बाधित रुग्णांचा उत्साह वाढविण्यासाठी तसेच करोनाशी प्रतिकार करताना मानसिक बळ मिळावे यास्तव आज राज्याचे कृषिमंत्री दादाजी भुसे यांनी स्वतः बाधित रुग्णां बरोबर संगीताच्या तालावर योगासने केली.

बाधित रुग्णांचा तिरस्कार न करता त्यांच्याशी सौजन्याने वागत या लढाईत त्यांचे मनोबल कसे वाढेल असेच प्रयत्न प्रत्येकाने केले पाहिजे असे आवाहन ना. भुसे यांनी यावेळी बोलताना केले.

कृषी मंत्री दादाजी भुसे स्वतः आपल्याबरोबर योगासने करत नृत्य करताना पाहून बाधित रुग्णांमध्ये उत्साहाचे वातावरण पसरले होते.

करोनावर मात करत तुम्ही सर्वजण लवकरच घरी परताल अशा शुभेच्छा भुसे यांनी बाधित रुग्णांना यावेळी दिल्या.

यावेळी उपमहापौर निलेश आहेर, ज्येष्ठ नेते मनोहर बापू बच्छाव, राजेश अलिझाड, डाँ. जतीन कापडणीस, आदी पदाधिकारी उपस्थित होते.

‘मातोश्री’ पुन्हा एकदा करोनाच्या सावटाखाली

By

Deshdoot Digital

-

July 20, 2020 | 10:15 pm

0

मुंबई | Mumbai

मुख्यमंत्री उद्धव ठाकरे यांचे निवसास्थान असलेल्या मातोश्री बंगल्यावर पुन्हा एकदा करोनाचे सावट पसरले आहे. मुख्यमंत्र्याचे चिरंजीव तेजस ठाकरे यांच्या दोन सुरक्षारक्षकांना करोनाची लागण झाल्याची माहिती समोर आली आहे.

या सुरक्षारक्षकांचा करोना अहवाल पॉझिटिव्ह आल्यानंतर त्यांना मरोळ येथील क्वारंटाईन सेंटरमध्ये ठेवण्यात आले आहे. तसेच तेजस ठाकरे यांच्या इतर सुरक्षारक्षकांचीही तपासणी करण्यात आली आहे. त्यांचे अहवाल येणे अद्याप बाकी आहे. मात्र, या सगळ्यामुळे तेजस ठाकरे यांना फारसा धोका नाही. कारण, तेजस ठाकरे गेल्या अनेक दिवसांपासून घराबाहेरच पडले नाहीत असे सांगण्यात येत आहे. त्यामुळे त्यांचा सुरक्षारक्षकांशी थेट संपर्क आला नव्हता. यापूर्वी मातोश्रीवर बंदोबस्तासाठी असणाऱ्या काही पोलीस कर्मचाऱ्यांनाही करोनाची लागण झाली होती.

त्यामुळे उद्धव ठाकरे मातोश्रीबाहेर पडणे शक्यतो टाळत आहेत. मात्र, याच कारणामुळे ते सध्या विरोधकांच्या टीकेचे धनी झाले आहेत. तत्पूर्वी आज सकाळीच ठाकरे सरकारमधील चौथ्या मंत्र्याला करोनाची लागण झाल्याची माहिती समोर आली होती.

मत्स्यव्यवसाय व बंदरे मंत्री अस्लम शेख यांना करोनाची लागण झाली आहे. यापूर्वी मंत्री जितेंद्र आव्हाड, अशोक चव्हाण आणि धनंजय मुंडे यांना करोनाची लागण झाली होती.

जिल्ह्यात करोना बाधितांनी दोन हजारांचा टप्पा ओलांडला

By

Deshdoot Digital

-

July 20, 2020 | 10:02 pm

0

अहमदनगर|Ahmednagar

जिल्ह्यातील करोना पॉझिटिव्ह रुग्ण संख्येने सोमवारी 2 हजारांचा टप्पा ओलांडला आहे. गेल्या 24 तासात जिल्ह्यातील बाधितांच्या रुग्ण संख्येत 350 नव्या रुग्णांची भर पडली आहे. जिल्ह्यात अँटीजेन चाचण्यांना सुरूवात झाली असून गेल्या चार दिवसात झालेल्या 1 हजार 95 अँटीजेन चाचण्यामध्ये 158, खासागी प्रयोग शाळेतील 173 आणि जिल्हा रुग्णालयातील प्रयोग शाळेतून 10 करोना पॉझिटिव्ह आले आहेत. यामुळे जिल्ह्यातील बाधितांची संख्या 2 हजार 27 झाली आहे.

दरम्यान, सोमवारी अचानक जिल्ह्यातील एकूण बाधितांच्या संख्येत मोठ्या प्रमाणात वाढ झाल्याने उपचार घेणार्‍या रुग्णांची संख्या पहिल्यांदा 854 वर पोहचली आहे. यासह जिल्ह्यात आणखी दोघांच्या मृत्यूची भर पडल्याने जिल्ह्यातील एकूण मृत्यूचा आकडा 40 झाला आहे.

जिल्हा रुग्णालयाच्या करोना टेस्ट लॅबमध्ये काल सकाळी 10 करोना बाधित रुग्ण आढळून आले तर खाजगी प्रयोगशाळेत बाधित आढळून आलेल्या आणि पोर्टलवर नोंद झालेल्या 173 रुग्णांची नोंद एकूण रुग्ण संख्येत घेण्यात आली. त्याचबरोबर बाधित रुग्णांच्या संपर्कातील निकट सहवासितांची जलदगतीने तपासणी करण्याच्यादृष्टीने जिल्हा प्रशासन आणि आरोग्य यंत्रणेने जिल्ह्यात अँटीजेन चाचण्यांना गेल्या 3-4 दिवसांपासून सुरुवात केली आहे.

आतापर्यंत 1095 चाचण्या घेण्यात आल्या असून त्यात 158 जण बाधित आढळले आहेत. त्याचीही नोंद एकूण रुग्ण संख्येत घेण्यात आली. त्यामुळे उपचार सुरू असलेल्या रुग्णांची संख्या आता 854 इतकी झाली असून एकूण रुग्ण संख्या 2027 इतकी झाली आहे

बाधित रुग्णाच्या संपर्कातील व्यक्तींना शोधून त्यांची चाचणी करण्यात येत आहे. या प्रक्रियेचा वेग वाढावा यासाठी तालुकास्तरीय आरोग्य यंत्रणेला अँटीजेन किटचे वितरण करण्यात आले आहे. त्या माध्यमातून बाधित व्यक्तीच्या संपर्कातील व्यक्तींची चाचणी करण्यात येत आहे. जिल्ह्यात अशा चाचण्यांच्या माध्यमातून बाधित आढळलेल्या 158 रुग्णांची आज भर पडली.

जिल्ह्यातील श्रीरामपूर, नेवासा, पाथर्डी, कोपरगाव, संगमनेर, कॅन्टोन्मेंट आणि महानगरपालिका आरोग्य यंत्रणेला या अँटीजेन कीटचे वितरण करण्यात आले आहे. गेल्या तीन-चार दिवसांत केलेल्या चाच्ण्याचा एकत्रित अहवाल काल जिल्हा आरोग्य यंत्रणेकडे आला. त्यात बाधित आढळलेल्या रुग्णांची नोंद एकूण रुग्ण संख्येत घेण्यात आली.

याशिवाय, खाजगी प्रयोगशाळेत बाधित आढळून आलेल्या आणि आयसीएमआर पोर्टलवर नोंद झालेल्या रुग्णांची नोंद ही एकूण रुग्ण संख्येत करण्यात आली आहे. जिल्ह्यात आता 2 हजार 27 करोना रुग्ण असून त्यातील 854 रुग्णांवर उपचार सुरू असल्याचे जिल्हा आरोग्य यंत्रणेने सांगितले.

अँटीजेन चाचण्यांचा अहवाल

श्रीरामपूर 9, नेवासा 8, पाथर्डी 67, कोपरगाव 3, संगमनेर 50 भिंगार कॅन्टोन्मेंट 18 आणि मनपा 3 अशा 158 पॉझिटिव्हचा समावेश आहे.

सरकारी प्रयोग शाळेतील बाधित

नेवासा 4 (सलाबतपूर4), कर्जत 1 (शहर), शेवगाव 1 (वडगाव), नगर शहर 2, संगमनेर 1 (घुलेवाडी) आणि नगर ग्रामीण 1 (रुईछ्त्तीसी) अशा रुग्णांचा समावेश आहे.

सारांश

उपचार सुरू असलेले रुग्ण 854

बरे झालेले रुग्ण 1133

मृत्यू 40

एकूण रुग्ण संख्या 2 हजार 27

सोमवारी सकाळी आणखी 111 रुग्णांनी करोनावर मात केली. यात नगर ग्रामीण 1, नगर शहर 37, नेवासा 5, पारनेर 3, राहाता 4, पाथर्डी 14,भिंगार कॅन्टोन्मेंट 2, राहुरी 4, संगमनेर 32, श्रीगोंदा 1, अकोले 7, कर्जत येथील 1 रुग्ण करोनामुक्त झाले आहेत. यामुळे करोना मुक्त झालेल्यांची संख्या 1 हजार 136 झाली आहे.

नेटवर्क सुधारण्यासाठी आयडियाला मनसेचा दोन दिवसाचा अल्टिमेटम

By

Deshdoot Digital

-

July 20, 2020 | 10:00 pm

0

नाशिक । प्रतिनिधी

नाशिक शहरात आयडिया मोबाईल कंपनीचे चाळीस ते पन्नास टक्के ग्राहक असून त्यांना आठ ते दहा दिवसापासून अतिशय खराब पद्धतीने नेटवर्क मिळत आहे. त्याचा सर्वात जास्त फटका विद्यार्थ्यांना बसत आहे. कारण त्यांचा ऑनलाईन चालू असलेला क्लास शाळा शाळेचा अभ्यास हा नेटवर्क गेल्यामुळे बंद पडत आहेत.

याबरोबरच इतर ऑफिसचे कामही बंद पडत आहेत. सरकारी कामे देखील बंद पडतात.आज करोनासारख्या सोशल डिस्टंसिंगच्या आजारामुळे मुळे सर्व कामे ऑनलाइन चालू असताना अशा प्रकारे जर नेटवर्क बंद पडत असेल तर नागरिकांना व आयडिया लाभ घेताना त्याचा प्रचंड मनस्ताप सहन करावा लागतो लागत आहे.

त्यामुळे महाराष्ट्र नवनिर्माण सेनेच्या पदाधिकाऱ्यांनी आयडिया कंपनीचे विशाल कडवे नेटवर्क मध्ये सुधारणा करण्यासाठी दोन दिवसाची मुदत देऊन नेटवर्क सुधारण्याची विनंती केली. दोन दिवसात नेटवक सुधारले नाही तर आम्ही पुन्हा तुमच्या कार्यालयात येऊ व त्याची होणारी सर्वस्व जबाबदारी ही आपली असेल, असा इशारा देण्यात आला.

याप्रसंगी मनसेचे शहराध्यक्ष अंकुश पवार, उपजिल्हाध्यक्ष मनोज घोडके, विद्यार्थी सेनेचे प्रदेश उपाध्यक्ष संदीप भवर, मनविसेचेचे जिल्हाध्यक्ष कौशल पाटील, मनविसेचे जिल्हाध्यक्ष सौरभ सोनवणे, वाहतूक सेनेचे जिल्हाध्यक्ष जावेद शेख, शारीरिक सेनेचे विजय आगळे, अमोल भालेरावआदी उपस्थित होते.

श्रीगोंदा : भरारी पथकाद्वारे सोळा खत दुकानाची तपासणी

By

Deshdoot Digital

-

July 20, 2020 | 9:44 pm

0

श्रीगोंदा|प्रतिनिधी|Shrigonda

श्रीगोंदा तालुक्यात 18 व 19 जुलै रोजी सोळा कृषी सेवा केंद्राची भरारी पथकांकडून अचानक तपासणी करण्यात आली. या तपासणी दरम्यान विविध बाबींची तपासणी केल्यानंतर 16 पैकी 5 विक्रेत्यांना विक्री बंद करण्याचे आदेश तर 10 विक्रेत्यांना कारणे दाखवा नोटीस बजावून 2 विक्रेत्यांची परवाना रद्द करण्याची शिफारस करण्यात आली आहे.

जिल्हा अधीक्षक कृषि अधिकारी यांच्या आदेशानुसार कृषि विकास अधिकारी सुनिलकुमार राठी व जिल्हा गुणनियंत्रण अधिकारी दिपक पानपाटील, तालुका कृषि अधिकारी पद्मनाभ म्हस्के, कृषि अधिकारी पंचायत समिती डॉ. राम जगताप, कृषि अधिकारी अमजद तांबोळी व मंडळ कृषि अधिकारी शितल आरु मॅडम यांच्या पथकाद्वारा श्रीगोंदा, विसापूर व हिरडगाव येथे ही कार्यवाही करण्यात आली आहे.

युरियाची तालुक्यातील टंचाई , खत दुकानात अनियमितता यासह अन्य कारणामुळे तालुक्यातील खते विक्री दुकानाबाबत आलेल्या तक्रारी यामुळे तपासणी करण्यात आली आहे.

पाथर्डी : माजी नगरसेवक चाँद मण्यार यांच्यावर गुन्हा दाखल

By

Deshdoot Digital

-

July 20, 2020 | 9:17 pm

0

पाथर्डी|तालुका प्रतिनिधी|Pathardi

शहरातील उपजिल्हा रुग्णालयातील कोविड-19 सेंटरमध्ये असणार्‍या पॉझिटिव्ह रुग्णांना अनधिकृतरित्या भेटायला गेलेल्या माजी नगरसेवकाविरोधात पाथर्डी पोलीस ठाण्यात गुन्हा दाखल करण्यात आला आहे.

पाथर्डी शहरासह तालुक्यात आज पर्यंत 132 करोना बाधित रुग्ण आढळून आले असून प्रशासनाने शहरातील आजाद चौक तसेच खाटिक गल्ली परिसर सील केला आहे. या परिसरातील नागरिकांना बाहेर फिरण्यास मनाई करण्यात आली आहे. परंतु जिल्हाधिकारी तसेच तहसीलदार यांच्या आदेशाचे तसेच कोविड-19 च्या नियमांचे पालन न करता माजी नगरसेवक चाँद हुमायुन मण्यार यांनी प्रतिबंधित क्षेत्र ओलांडून उपजिल्हा रुग्णालयातील पोलीस बंदोबस्तातील पोलीस कर्मचार्‍यांची नजर चुकवून करोना बाधित उपचार घेत असलेल्या रुग्णांची भेट घेवून सोशल मीडीयावर फोटो व्हायरल केले.

तसेच स्वता:चे व इतरांचे जीवितास धोका होईल अशा रीतीने करोना रोगाचा संसर्ग पसरवण्यास मदत केल्या प्रकरणी चांद मण्यार यांच्या विरोधात सोशल डिस्टन्स न पाळणे, करोना रोगाच्या प्रसाराबाबत खबरदारी न घेणे, भादवी कलम 188,269,270, करोना उपाययोजना 2020 चे अधिनियम 11, भारतीय साथरोग अधिनियम 1897 व आपत्ती व्यवस्थापन कायद्या प्रमाणे पोलीस शिपाई अतुल शेळके यांच्या फिर्यादी वरून गुन्हा दाखल करण्यात आला आहे.

दरम्यान, इतरही बाधित असणार्‍या रुग्णांना जेवणाचे डबे इतर वस्तू नातेवाईकांमार्फत पुरविल्या जात असल्याचा काही नागरिकांकडून आरोप केला जात आहे. अशा नातेवाईकांवर देखील प्रशासनाने कारवाई करावी अशी मागणी केली जात आहे.

करोना कहर; भूषणनगर परिसर सील

By

Deshdoot Digital

-

July 20, 2020 | 8:41 pm

0

अहमदनगर|प्रतिनिधी|Ahmednagar

केडगाव परिसरातील भूषणनगर परिसर महापालिका प्रशासनाने सोमवारी दुपारी सील केला. करोनाचे रुग्ण मोठ्या प्रमाणात आढळू लागल्याने संसर्ग रोखण्यासाठी ही कार्यवाही करण्यात आली. कंटेन्मेंटची मुदत 2 ऑगस्टपर्यंत आहे.

केडगाव परिसरात गेल्या काही दिवसांपासून करोना रुग्णांमध्ये मोठी वाढ होत आहे. त्यातही भूषणनगर परिसर आणि या परिसराला लागून असलेल्या भागात रुग्णांची संख्या वाढत आहे. गेल्या दोन दिवसांपासून हा परिसर सील करण्याबाबत महापालिकेत हालचाली सुरू होत्या. महापालिका आयुक्त श्रीकांत मायकलवार यांनी या संदर्भात निर्णय घेऊन सोमवारी दुपारी चारनंतर हा परिसर सील करण्यात आला.

या भागातील भूषणनगर, लिंक रोडवरील तिरुपती कन्स्ट्रक्शन कार्यालय, गणपती मंदिराजवळील परिसर, राणी लक्ष्मीबाई चौक परिसर, वृंदावन पार्क, झेंडा चौक हा परिसर कंटेन्मेंट झोन म्हणून चहूबाजूंनी सील करण्यात आला आहे. तसेच या परिसराच्या दक्षिण बाजूस असलेले चर्च, गणपती मंदिर, शिवांजली मंगल कार्यालय, राहिंज मळा व परिसर, राम मंदिर, श्रीकृष्ण कॉलनी, नम्रता रो हाऊसिंग, अजिंक्य रो हाऊसिंग, जिल्हा परिषद शाळा व परिसर, लिंक रोडची पूर्व बाजू, रंगोली हॉटेल, दीपनगर, आयोध्यानगर व परिसर, स्वामी विवेकानंद चौक, माधवनगर परिसर बफर झोनमध्ये समाविष्ट करण्यात आला आहे. या परिसरात प्रवेशासाठी भूषणनगरमधील राधेश्याम कॉम्प्लेक्स शेजारील रस्ता प्रवेश रस्ता म्हणून ठेवण्यात आला आहे.

कंटेन्मेंट झोनमधील सर्व व्यवहार आता 2 ऑगस्टपर्यंत बंद ठेवण्यात येणार आहेत. या भागात अत्यावश्यक सुविधा महापालिकेच्या कर्मचार्‍यांमार्फत पुरविण्यात येणार आहेत. तसेच बफर झोनमध्ये अत्यावश्यक सेवा वगळता इतर व्यवहार बंद ठेवण्यात येणार आहेत.

कण्टेन्मेंट झोन – भूषणनगर, लिंक रोडवरील काही भाग, गणपती मंदिर व राणी लक्ष्मीबाई चौकाजवळील जवळील वसाहत, वृंदावन पार्क, झेंडा चौक आदी. बफर झोन – चर्च व गणपती मंदिर, राहिंज मळा, श्रीकृष्ण कॉलनी, नम्रता रो हाऊसिंग, अजिंक्य रो हाऊसिंग, दीपनगर, आयोध्यानगर, रंगोली हॉटेल, स्वामी विवेकानंद चौक, माधवनगर परिसर.

केंद्रीय कर्मचार्‍यांना रात्रपाळी भत्ता

By

Deshdoot Digital

-

July 20, 2020 | 8:37 pm

0

नवी दिल्ली | New Delhi – केंद्र सरकारने सातव्या वेतन आयोगाच्या शिफारशींना मान्यता दिली असून केंद्रीय कर्मचार्‍यासाठी Central Government Employees रात्रपाळी भत्ता म्हणजेच नाईट ड्युटी अलाउंस लागू करण्यात आला आहे. यासंदर्भात कार्मिक व प्रशिक्षण विभागाने Department of Personnel and Training निर्देश जारी केले आहेत.

दरम्यान, नव्या नियमांनुसार केंद्र सरकारने सर्व कर्मचार्‍यांसाठी विशेष ग्रेड पेवर आधारित नाइट ड्यूटी अलाउंस Night Duty Allowance बंद केला आहे. सातव्या वेतन आयोगाच्या शिफारशी लागू करण्याआधी ग्रेड पेच्या आधारावर केंद्रीय कर्मचार्‍यांना नाइट ड्यूटी अलाउंस दिला जात होता.

ज्या प्रकरणांमध्ये नाइट वेटेजच्या आधारावर कामाचे तास मोजले जातील त्या प्रकरणांमध्ये कोणताच अतिरिक्त निधी देण्यात येणार नाही. रात्रीच्या वेळी केलेलं काम हे तासाला 10 मिनिटं वेटेजच्या हिशेबाने मोजलं जाणार आहे. रात्री 10 ते सकाळी 6 दरम्यान केलेल्या कामालाच नाईट ड्युटी समजलं जाईल असं केंद्र सरकारने स्पष्ट केलं आहे.

नाइट ड्युटी अलाउंससाठी बेसिक पेच्या आधारावर एक मर्यादा ठरवली जाणार आहे. कार्मिक विभागाने दिलेल्या माहितीनुसार, नाइट ड्युटी अलाउंससाठी बेसिक पेची मर्यादा ही 43 हजार 600 रुपये प्रती महिना या आधारावर निर्धारित करण्यात आली आहे.

सरकार हा अलाउंस तासाच्या हिशेबाने कर्मचार्‍यांना देणार आहे. हा हिशेब बेसिक पे (बीपी) + डीए/200 या आधारे करण्यात येणार आहे. डिए म्हणजे महागाई भत्ता. Dearness Allowance सातव्या वेतन आयोगातील 7th Pay Commission निर्देशांप्रमाणे बीपी आणि डीएची रक्कम ठरवली जाणार आहे.

हेच समिकरण सर्व मंत्रालये आणि विभागांच्या कर्मचार्‍यांना लागू होणार आहे. केंद्र सरकार नाइट ड्युटी अलाउंसची रक्कम प्रत्येक कर्मचार्‍याच्या बेसिक पे आणि नाइट ड्युटीच्या आधारावर देणार आहे.

NMC recovers fine of Rs 77,000

By

Deshdoot Digital

-

July 20, 2020 | 8:31 pm

0

NASHIK :

Nashik Municipal Corporation (NMC) is acting against those who found without masks. Rs 77,000 has been recovered as fine from 385 persons in last 18 days.

Corona infected are being found in higher numbers in city since July 1 and pandemic figure has crossed 5,000-mark. In addition, 39 fatalities have been recorded in 18 days of June, while 97 fatalities in July so far.

On an average 185 new cases are being found daily and over 3,000 suspect patients have been admitted. Despite this, it is being found that social distancing norm is being flouted. People are being seen not wearing masks and using sanitizer. On the backdrop of this, city Commissioner of Police Vishwas Nangre Patil has issued an order making masks mandatory.

However, some are still being found not wearing masks and using sanitizers. Hence, the number of patients is increasing in city. Taking note of this, Municipal Commissioner Radhakrishna Game has instructed divisional officials to recover a fine of Rs 200 against those who are found without masks.

Accordingly, a fine of Rs 10,400 had been recovered from 52 persons on June 13 and 14. Action against 385 was taken in the period between July 1 to 18. This action will be intensified, informed divisional officials.

Recovery of fine division wise

Division Cases Fine

Panchavati 02 400

Nashik Road 12 2400

Nashik west 06 1200

Nashik east 03 600

Satpur 10 2000

New Nashik 19 3800