एक आरोपी जेरबंद; अन्य पसार

राहुरी (तालुका प्रतिनिधी) – राहुरी शहरातील बसस्थानकासमोरील भरपेठेत असलेले एटीएम फोडण्याचा चोरट्यांचा प्रयत्न पोलिसांच्या सतर्कतेमुळे फसला. दरम्यान, पोलिसांची चाहूल लागताच अज्ञात पाच चोरट्यांनी तेथून अंधाराचा फायदा घेत पलायन केले. मात्र, पोलिसांनी सिनेस्टाईल पाठलाग करून एकाजणाच्या मल्हारवाडी शिवारात मुसक्या आवळल्या तर उर्वरित पसार झाले.

ही घटना रविवारी (दि.08) पहाटे साडेतीन वाजण्याच्या सुमारास घडली. हे एटीएम अगदी भरपेठेत आहे. रविवारी पहाटे साडेतीन वाजण्याच्या सुमारास स्टेट बँक ऑफ इंडियाच्या एटीएमजवळ अंधारात काहीतरी वाजत असल्याची चाहूल गस्तीवर असलेल्या पोलिसांना लागली. पोलीस घटनास्थळी पोहोचताच त्यांना पाहताच चोरटे पळून गेले. तर पोलिसांनी त्यांचा मल्हारवाडी शिवारात एक किमी पाठलाग करून त्यातील एकाजणाच्या मुसक्या आवळल्या. पकडण्यात आलेला आरोपी राहुरी तालुक्यातील कोंढवड येथील असून दत्तात्रय बोर्‍हाडे असल्याची माहिती राहुरी पोलिसांनी दिली.

दरम्यान, एटीएमजवळ पोलिसांना लोखंडी कटावणी, लोखंडी टामी, दोन मोठे स्क्रू, आढळून आले. चोरट्यांच्या शोधासाठी पोलिसांनी श्वानपथकाला पाचारण केले. घटनास्थळी विभागीय पोलीस अधिकारी राहुल मदने, पोलीस निरीक्षक मुकुंद देशमुख, पोलीस उपनिरीक्षक गणेश शिरसाठ, यांनी भेट देऊन पाहणी केली. पुढील तपास सहाय्यक पोलीस निरीक्षक सचिन बागुल करीत आहेत. अन्य आरोपींचा शोध सुरू असल्याची माहिती पोनि. देशमुख यांनी दिली.

संगमनेर (प्रतिनिधी)- दिमाखदार, शिस्तबद्ध व उत्साही शोभायात्रेने संगमनेरमध्ये गीता महोत्सवास काल प्रारंभ झाला. या शोभायात्रेवर संगमनेरकरांनी ठिकठिकाणी पुष्पवृष्टी करून उत्स्फूर्तपणे स्वागत केले. सकाळी 9 वाजता अकोले नाका येथील मालपाणी विद्यालयातून शोभायात्रेस प्रारंभ झाला. समारोप दुपारी 12 वाजता जाणता राजा मैदानावर झाला.

शोभायात्रेच्या मार्गावर काढण्यात आलेल्या सुंदर रांगोळ्या, महाभारतातील पौराणिक देखावे असलेले चित्ररथ, सजविलेले घोडे, उंट, ढोल ताशा पथक, ध्वज नृत्य पथक, भजनी मंडळ, गीता ग्रंथ पालखी, देशाच्या अनेक भागातून मोठ्या संख्येने आलेले गीता परिवाराचे कार्यकर्ते आणि विशेष सजविलेल्या रथातून सहभागी झालेले स्वामी गोविंददेव गिरी महाराज यामुळे संपूर्ण शहराला उत्सवाचे स्वरूप आले होते. संपूर्ण गीता कंठस्थ करणार्‍या सुवर्णपदक विजेत्या सन्मानार्थी विद्यार्थ्यांना सजविलेल्या तीन वाहनांतून मानाची पगडी व सुवर्णपदक गळ्यात घालून सहभागी करून घेण्यात आले होते.

राजस्थान युवक मंडळ, लायन्स क्लब ऑफ संगमनेर सफायर, इनरव्हील क्लब, माहेश्वरी पंच ट्रस्ट, ब्राह्मण प्रतिष्ठान, पद्मशाली समाज मंडळ, राउळ समाज मंडळ, श्रीकृष्ण मंदीर मेनरोड व्यापारी मंडळ, तीळवण तेली समाज मंडळ, बाजारपेठ मित्र मंडळ, संगमनेर मर्चंट्स बँक, मालपाणी उद्योग समूह, सोमवंशीय सहस्त्रार्जुन क्षत्रिय समाज मंडळ, नवघर गल्ली मित्र मंडळ, साईनाथ चौक युवक मंडळ, व्यापारी प्रतिष्ठान तसेच संस्थांनी स्वामी गोविंददेव गिरी महाराज यांना माल्यार्पण करून अभीष्टचिंतन केले.

भाजपाचे राष्ट्रीय उपाध्यक्ष शाम जाजू व त्यांच्या पत्नी प्रतिभा, सुपुत्र संदेश, मंडळाचे प्रमुख राजेश चौधरी यांनी शोभायात्रेचे स्वागत करून स्वामी गोविंददेव गिरी महाराज यांना माल्यार्पण करून त्यांचे अभीष्टचिंतन केले. गीता परिवाराचे कार्याध्यक्ष डॉ. संजय मालपाणी यांच्यासह मालपाणी परिवारातील सर्व सदस्य तसेच संगमनेर मधील अनेक नागरिक या शोभायात्रेत सहभागी झाले होते. महिला आणि युवतींचा सहभागही लक्षणीय होता. शोभायात्रेच्या मार्गावर अनेक स्वयंसेवी संस्थांनी जलपान आणि चहापान व सरबताची व्यवस्था केली होती.

अहमदनगर (प्रतिनिधी)- गेल्या अनेक वर्षापासून वादग्रस्त असलेल्या व जिल्हाधिकारी अध्यक्ष असलेल्या क्रीडा संंकुल समितीचे कवच कुंडल वापरून उभारण्यात आलेल्या वाडिया पार्क येथील क्रीडा संकुुलातील ए आणि बी या इमारतीवर महानगरपालिकेने कारवाई सुरू केली आहे.

जिल्हाधिकारी ताठ मनपाचे प्रभारी आयुक्त राहुल व्दिवेदी यांच्या आदेशानुसार ही इमारत जेसीबीच्या साहाय्याने जमीनदोस्त करण्यात येत आहे. मोठ्या प्रमाणात पोलीस बंदोबस्तात कारवाई सुरू करण्यात आली आहे. दरम्यान कारवाई टाळण्यासाठी काहींनी जिल्हाधिकारी व्दिवेदी यांच्याकडे धाव घेतली आहे. न्यायालयानेही या इमारती बेकायदेशीर ठरविलेेली आहेत.