पाळधीत रेफ्रिजेटर दुकानाला आग

जळगाव –

धरणगाव तालुक्यातील पाळधी खुर्द येथील एका व्यापारी संकुलातील रेहान रेफ्रिजेटर या दुकानाला गुरुवारी दुपारी अडीच वाजता आग लागली. हे दुकान बंद असताना शॉकसर्किट होऊन ही आग लागल्याचा प्राथमिक अंदाज आहे.

पोलीस कंट्रोल रुममार्फत या आगीबाबत महापालिकेच्या अग्निशमन विभागास कळवण्यात आले. यासंदर्भात कळताच अग्निशमन विभागाच्या पथकाने तत्काळ घटनास्थळ गाठले.

आग विझवण्यासाठी एक बंब पाणी लागले. या आगीत रेफ्रिजेटरचे साहित्य व एक जुनी मोटारसायकल जळली आहे.