पारनेर |तालुका प्रतिनिधी| Parner
रांजणगाव रोड शिवारात रेल्वेगाडीची धडक बसून 25 ते 27 वर्षीय अज्ञात युवकाचा मृत्यू झाल्याची घटना समोर आली आहे.
- Advertisement -
याबाबत रांजणगाव रोड रेल्वे स्टेशनचे स्टेशन मास्तर यांनी सुपा पोलिस स्टेशना दिलेल्या फिर्यादीत म्हटले आहे, बुधवार सकाळी रेल्वे गाड़ी क्रमांक 12114 या गरीब रथ रेल्वेचे लोडो पायलट यांनी रेल्वे रुळ क्रमांक अप- 323/ 16-18 च्या दरम्यान एका अनोळखी युवकास रेल्वेची धडक लागून तो मयत झाला असल्याचा संदेश दिला.
घटनेची माहिती मिळताच सुपा पोलिसांनी तात्काळ घटनास्थळी धाव घेत जागेचा व मृतदेहाचा पंचनामा केला. सुपा पोलिसांनी स्टेशन मास्तरांच्या तक्रारीवरून अकस्मात मृत्युची नोंद केली आहे. याबाबत सुपा पोलिसांनी सांगितले, मृत व्यक्ती 25 ते 27 वर्षीय वयाची असून रंग निमगोरा आहे.
