Friday, November 20, 2026
Homeक्रीडाRising Stars Asia Cup : भारत आज नेपाळशी भिडणार; तिलक वर्माकडे कर्णधारपद,...

Rising Stars Asia Cup : भारत आज नेपाळशी भिडणार; तिलक वर्माकडे कर्णधारपद, रिंकू सिंग उपकर्णधार

मुंबई | Mumbai

रायझिंग स्टार्स आशिया चषक क्रिकेट स्पर्धेत (Rising Stars Asia Cup) भारतीय संघ (Team India) आज (शुक्रवार, दि. २० नोव्हेंबर) नेपाळविरुद्धच्या लढतीने आपल्या अभियानाला सुरुवात करणार आहे. कतारमधील दोहा येथील वेस्ट एंड पार्क आंतरराष्ट्रीय क्रिकेट मैदानावर हा सामना रंगणार आहे. भारतीय संघाची धुरा तिलक वर्माकडे सोपवण्यात आली असून, नियमित उपकर्णधार रजत पाटीदारने दुखापतीमुळे माघार घेतल्यानंतर मधल्या फळीतील आक्रमक फलंदाज रिंकू सिंगकडे उपकर्णधारपदाची जबाबदारी देण्यात आली आहे. दुसरीकडे, नेपाळचे नेतृत्व संदीप लामिछाने करणार आहे.

- Advertisement -

तगडी फलंदाजी आणि गोलंदाजी

भारतीय संघात अभिषेक शर्मा, तिलक वर्मा, रिंकू सिंग आणि वैभव सूर्यवंशी यांसारखे स्फोटक फलंदाज आहेत. गोलंदाजीत विजयकुमार वैशाख, तनुष कोटियन आणि हर्ष दुबे यांच्यावर मदार असेल. विशेष म्हणजे, दुखापतीतून सावरून हर्षित राणा संघात परतला असून, त्याच्या कामगिरीकडे क्रीडाप्रेमींचे विशेष लक्ष लागले आहे.

उलटफेर करण्याची नेपाळची क्षमता

नेपाळचा (Nepal) संघ आपल्या लढाऊ बाणा आणि निडर खेळासाठी ओळखला जातो. मोठ्या संघांविरूद्ध उलटफेर करण्याची धमक त्यांच्याकडे आहे. लोकेश बमसारख्या खेळाडूसह नेपाळला भारताच्या तगड्या फलंदाजी आणि गोलंदाजीसमोर अत्यंत शिस्तबद्ध मारा करावा लागेल.

पाकिस्तान सामन्यापूर्वी विजयाची संधी

दरम्यान स्पर्धेत भारताचा पुढील सामना २२ नोव्हेंबर रोजी पाकिस्तानविरुद्ध (Pakistan) होणार आहे. या हाय-व्होल्टेज लढतीपूर्वी नेपाळवर मात करून विजयी सलामी देण्याचा भारताचा मानस असेल. या सामन्याचे थेट प्रक्षेपण सोनी लिव्ह आणि सोनी टेन वाहिन्यांवर पाहता येईल.

ताज्या बातम्या

Nashik MC News : अखेर सस्पेन्स संपला! महापौरांकडून स्वीकृत नगरसेवकांच्या नावांची...

0
नाशिक | प्रतिनिधी | Nashik नाशिक महापालिकेतील (Nashik Municipal Corporation) स्वीकृत नगरसेवकांच्या नियुक्तीवरून गेल्या काही महिन्यांपासून सुरू असलेला राजकीय संघर्ष आणि तर्कवितर्कांना अखेर आज पूर्णविराम...