बस – ट्रॅक्टर अपघातात तीन जण गंभीर जखमी

येवला | प्रतिनिधी Yeola

तालुक्यातील डोंगरगाव शिवारात येवला – भारम रोडवर राज्य परिवहन महामंडळाची एसटी बस आणि ट्रॅक्टर यांचेत झालेल्या अपघातात तिघे गंभीर जखमी झाले आहेत. शनिवारी, (दि. २४) सकाळी ११ वाजेच्या सुमारास हा अपघात घडला.

येवला आगाराची येवला – रहाडी (क्रमांक एम एच २० बीएल ०२३८) ही बस येवल्याकडून डोंगरगाव कडे जात असताना, डोंगरगाव कडून तळवाडेकडे येणाऱ्या ट्रॅक्टर व बसची समोरा समोर जोरदार धडक झाली. या अपघातात ट्रॅक्टरवरील हुसेन बहादुर पटेल, फिरोज मेहबूब पटेल, सलमान पटेल रा. तळवाडे ता. येवला हे गंभीर जखमी झाले.

अपघात घडताच परिसरातील नागरिकांनी घटनास्थळी धाव घेतली. तर सामाजिक कार्यकर्ते देविदास भोसले यांनी जखमींना तातडीने येवला येथील खाजगी रुग्णालयात दाखल केले. दरम्यान, या प्रकरणी तालुका पोलिसात गुन्हा दाखल झाला असून अधिक तपास सुरू आहे.