राहुरी |तालुका प्रतिनिधी| Rahuri
शनिवार, दिनांक 4 ऑक्टोबर रोजी वांबोरी उपबाजारात (Vambori Sub Market) झालेल्या कांदा लिलावात 7 हजार 730 कांदा गोण्यांची आवक झाली. एक नंबरचा कांदा (Onion) 1 हजार 105 रुपये ते 1 हजार 500 रुपये, दोन नंबरचा कांदा 705 रुपये ते 1 हजार 100 रुपये, तर तीन नंबरचा कांदा (Onion) 100 रुपये ते 700 रुपये भावाने विकला गेला. तसेच गोल्टी कांद्याला (Onion) 500 रुपये ते 900 रुपये भाव मिळाला.
अपवादात्मक 107 कांदा गोण्यांना 1 हजार 800 रुपये, 61 कांदा (Onion) गोण्यांना 1 हजार 700 रुपये, तर 77 कांदा (Onion) गोण्यांना 1 हजार 600 रुपये भाव मिळाला. भुसार मालात बाजरी 1 हजार 900 ते 2 हजार 271 रुपये, गहू 2 हजार 480 रुपये ते 2 हजार 525 रुपये, मुग 6 हजार 300 ते 7 हजार 51 रुपये, तर सोयाबीन (Soybeans) 3 हजार 700 रुपये ते 4 हजार 200 रुपये याप्रमाणे भाव मिळाले.
