मालेगाव | प्रतिनिधी Malegaon
- Advertisement -
घरात खेळत असतांना पाणी तापवण्याच्या हिटरचा स्पर्श झाल्याने ११ महिन्यांच्या चिमुकल्याचा विजेचा शॉक लागून दुर्दैवी मृत्यू झाला. तालुक्यातील साकुरी येथे ही दुर्दैवी घटना झाली. मल्हार बाळसाहेब आहिरे असे या दुदैवी मृत बालकाचे नाव आहे.
सकाळच्या सुमारास घरात पाणी तापविण्यासाठी कुटूंबीयांनी बादलीत हिटर लावले होते. यावेळी लहानगा मल्हार खेळता खेळता तो अचानक पाणी तापवण्यासाठी लावलेल्या हीटरजवळ गेला व त्याने हिटरला हात लावल्याने त्याला विजेचा जोरात धक्का बसला.
हा प्रकार लक्षात येताच नातेवाइकांनी त्याला तातडीने उपचारासाठी मालेगाव येथील सामान्य रुग्णाल दाखल केले. मात्र, तो पर्यंत उशीर झाला होता. वैद्यकीय अधिकारी डॉ. अंकिता यांनी त्याला तपासून मृत घोषित केले. या घटनेने कुटूंबीयांवर मोठा आघात झाला आहे.
