फ्रान्समध्ये विमान कोसळून ११ जण ठार

फ्रान्स | वृत्तसंस्था

फ्रान्समधील ईशान्य भागात असलेल्या टॉम्बलेन शहरात रविवारी सकाळी एका पॅराशूटिस्ट (स्कायडायव्हिंग) स्कूलचे छोटे विमान कोसळून झालेल्या भीषण अपघातात ११ जणांचा मृत्यू झाला. मृतांमध्ये पायलट, ५ विद्यार्थी (बहुतांश नर्स) आणि ५ प्रशिक्षकांचा समावेश आहे.

विमान वर चढत असतानाच अचानक इंजिनचा आवाज बंद झाला आणि ते वेगाने खाली कोसळले. स्थानिक अधिकाऱ्यांच्या मते, हे विमान काही मीटर अंतरावर असलेल्या निवासी किंवा शॉपिंग सेंटरवर न कोसळल्यामुळे मोठी दुर्घटना टळली. फ्रान्सचे गृहमंत्री ब्रुनो रिटेलेओ हेही घटनास्थळी पाहोचले.विमान अपघाताचे नेमके कारण अद्याप अस्पष्ट असून नागरी विमान वाहतूक प्राधिकरणाने या दुर्घटनेच्या चौकशीचे आदेश दिले आहेत.