भंडारदरा |वार्ताहर| Bhandardara
भंडारदरा धरण परिसरातील बहरलेले सौंदर्य न्याहाळण्यासाठी शनिवार आणि रविवारी सुट्ट्या असल्याने पर्यटकांची प्रचंड गर्दी होणार आहे. पण रस्त्याचे दुरुस्तीचे काम चालु असल्यामुळे मोठ्या प्रमाणात वाहतुक कोंडी होऊन कायदा व सुव्यवस्थेचा प्रश्न प्रश्न निर्माण होऊ नये याकरीता यासाठी पोलिसांनी एकेरी वाहतूक तसेच पर्यायी मार्गाने वळविण्याचा निर्णय घेतला आहे.
भंडारदरा धरण, रंधा धबधबा, कोकण कडा, हरिश्चंद्र गड, कळसुबाई शिखर, अमृतेश्वर मंदिर, रतनवाडी, वाल्मीकऋषी आश्रम कोदणी या प्रेक्षणीय स्थळी पुणे, नाशिक, ठाणे मुंबई व अहिल्यानगर जिल्ह्यातून 15 ऑगष्ट निमीत्त मोठ्या प्रमाणात पर्यटक येत असतात. तसेच सलग लागुन येणार्या शनिवार व रविवार या सुट्यांमुळे मोठ्या प्रमाणात पर्यटकांची गर्दी होण्याची शक्यता आहे. सदर भागातील रस्ते अरुंद आहेत तसेच काही रस्त्याचे दुरुस्तीचे काम चालु असल्यामुळे मोठ्या प्रमाणात
– रंधा फाटा येथुन भंडारदरा येथे जाणारे वाहतुकीकरीता प्रवेश बंद करण्यात येत असुन सदर मार्गावरील सर्व प्रकारची वाहतेक पुढीलप्रमाणे पर्यायी मार्गाने वळविण्यात येत आहे. शेंडी / भंडारदरा येथे जाण्यासाठी वाकी फाटा, वारंघशी फाटा येथून प्रवेश देण्यात येणार आहे.
– एकेरी वाहतुकीचा मार्ग -वारंघुशी फाटा / वाकी फाटा (प्रवेश) चिचोंडी फाटा यश रिसोर्ट शेंडी भंडारदरा धरण स्पिल्वे गेट – भंडारदरा गाव – गुहीरे रंधा मार्गे इच्छित स्थळी जातील.
– सदर वाहतूक वळविणेबाबतचा आदेश अकोले तालुक्यातील राजुर पो.स्टे. हद्दीत दि. 15 आणि 16 ऑगस्ट 2026 रोजीचे सकाळी 7. ते रात्री 20 वा. पर्यंत जारी राहील.
– हा आदेश शासकीय वाहने, अॅम्ब्युलन्स, फायर ब्रिगेड व स्थानिक प्रशासनाने अत्यावश्यक कारणास्तव परवानगी दिलेल्या वाहनांना लागू राहणार नाही.
