मुंबई | Mumbai
महापालिका निवडणूकांसाठी प्रत्येक पक्षाने उमेदवारांची यादी जाहीर करत एबी फॉर्म वाटण्यास सुरुवात केली आहे. त्यामुळे काही उमेदवारांनी (Candidate) आज (सोमवारी) अर्ज देखील भरले आहेत. शिवसेना ठाकरे गटाने ६०, भाजपने ६६ आणि अजित पवारांच्या राष्ट्रवादीने मुंबईसाठी ३८ जणांची पहिली यादी जाहीर केली होती. त्यानंतर आता काँग्रेसने देखील आपली ७० जणांची उमेदवारांची पहिली यादी जाहीर केली आहे.
काँग्रेसने (Congress) अधिकृतपणे ट्विटर हँडलवरुन उमेदवारांच्या नावांची यादी जाहीर केली आहे. निवड झालेल्या सर्व उमेदवारांचे अभिनंदन आणि शुभेच्छा. आपली मुंबई घडवूया, मुंबईच्या (Mumbai) हितासाठी काँग्रेसला निवडूया, असे काँग्रेसने ट्विटमध्ये म्हटले आहे. ठाकरे बंधू एकत्र आल्यानंतर मविआ म्हणून काँग्रेसने मुंबई महापालिका निवडणूक एकत्रपणे लढवण्यासाठी विरोध दर्शवला होता. यानंतर ठाकरे गटापाठोपाठ काँग्रेसने आपली पहिली यादी घोषित केली आहे.
