पारोळा – श. प्र.
तालुक्यातील मंगरूळ येथील संगणक परिचालक राहुल रमेश सोनवणे (वय ३२) रा. मंगरूळ याचा आज दुपारी १:३० वाजेच्या सुमारास विहिरीत पाय घसरून दुर्दैवी मृत्यू झाल्याची घटना घडली.
- Advertisement -
राहुल रमेश सोनवणे हे आज दि.13 रोजी सकाळी शेतात मजूर लावले असल्यामुळे शेतात गेले होते. त्यांच्या स्वतःच्या शेतातील नगाव शिवारातील विहिरीवर मजुरांना पिण्यासाठी पाणी काढण्यात गेले असता पाय घसरून सुमारे 80 फूट विहीरीत पडल्याने त्यांच्या डोक्यात मार लागून जागीच मृत्यू झाला.
याबाबत भरत सोनू पाटील यांनी खबर दिल्यावरून अकस्मात मृत्यूची नोंद करण्यात आली आहे. राहुलच्या पश्चात आई-वडील, पत्नी, एक मुलगा एक मुलगी असा परिवार आहे.
